Ọwẹwẹ nya ỊBayịbụụ

 Ehe. ỊBayịbụụ mẹjẹ nyori ahị nyị ka raabwọ ha Ohe kem, la ẹnyị nya iJisọsị. IJisọsị byi angịjụgbẹyị nyamwụ yẹkẹẹ: “Ịịlẹ anụ ka bwu raabwọ ha Ohe Oluhye lẹlẹ: Adahị ọlẹ ká juwa e-epwoohe, kahị chị ịgọgọ ju ẹnyị nyang.” (ỊMatiyu 6:9) Ọ́ byi angịjụgbẹyị nyamwụ nyị raabwọ ha angị ịgọgọ, alegu-ẹrụ, lee ọngọkịla ọlẹlẹhẹ datị hi Ohe ka.

 IJisọsị byi angịjụgbẹyị nyamwụ yẹkẹẹ: “Am kpakpakpa a ri Ụgbẹyị ọọwa lẹ. Am kpakpakpa a ri Ẹla nya ịlẹhị lẹ. Am kpakpakpa a tị ri Ọhịhị ayịdang ịnyịnyị lẹlẹ. Ọngọngọhẹ á juwa ọlẹ kọ ka jẹ́-ẹ pwụ ẹga nya Ohe Oluhye Adịda myị́ kaka. Kẹnẹ-kẹnẹ, ó ri ká ọngọọwa á bwu ẹga nyam ene lẹ mẹ ịnyị.” (ỊJọn 14:6) IJisọsị kem Ohe à ya ọngịrị ha nyọka bịlẹ wọnụ nyahị ju lẹ.—Ala iHiburu 7:25.

Kori kam raabwọ ha Ohe tụ́ angị ịgọgọ bẹẹ?

 Ẹ-ẹpwụ nya Ehile Iwo, Ohe yẹkẹẹ: “Am kpangga kam ri Amkpaa Ohe Oluhye nyanụ wẹẹ, m̀ ri ọngọ jẹ ijiiji.” (Ehe Ọkpụkpụ 20:5) Ụgbẹyị oyina Ohe à tị́ “jẹ ijiiji”? Ọọwa ri ọ́ tịtọ ká ọngọngọhẹ ka bá ịgba ọgbagba nyamwụ bá la tọọ ka. Ọ tịtọ ká ẹga nyamwụ kem ịgba ọgbagba nyahị, tụ́ abwọ ọrịrị, à ka ka ịnyịnyị.—Ayịsaya 48:11.

 Ọ ka wụ́ Ohe ẹjẹ kori kahị raabwọ ha ọngọkịla ọlẹlẹhẹ, tụ́ angị ịgọgọ bala alegu-ẹrụ. Ụka ká ọlẹrụ ịJọn maga nyọka gbịgba ha olegu-ẹrụ, ọ hwoo abwọ bwula o-byoo yẹkẹẹ: “Ba! A họ ịnyị kpong-kpong ka. Chajị, am ayịdang lẹ, m tịtị ri ọnchẹ ọ-myị ẹrụ ha Ohe Oluhye lala ahụ-ahụ bala anyadang ịkịla ẹ-ẹpwụ nya ịKịrayịsị ịlẹ kị ri alibeenu nya ịlẹhị-ịlẹhị nya iJisọsị! Lẹ, Ohe Oluhye ayịdang kem, a ka gbịgba ha lẹlẹ.”—Ọwụrụụ-wụrụ 19:10.