Kpehe ka ala ịlẹpwụ

Kpehe ka ẹga kị da egbeju nya ala ju

 HỊHỊ LALA ANGỊNYỊ NYA ỊKỊRAYỊSỊ

“Anụ́-ụ Juwa Me Irya Ju Ang Ịlịnyị Kem Mẹ”

“Anụ́-ụ Juwa Me Irya Ju Ang Ịlịnyị Kem Mẹ”

Ịyẹ ahị tị ka me irya ju? Ala iFilipayị 4:8 ya ahị nyị me irya ju ang myị́ ang ọlẹ kọ ri ẹla nya ịlẹhị, ọlẹ kọ ri ang olihi-ihi, ọlẹ kọ ri ang ọkpẹẹkpẹẹ, ọlẹ kọ ri ang olowuru charị-charị, ọlẹ kọ ri ang ohiigu, ang ọlẹ kọ ka kpa o-ya dodehe ọnyịịla wari bala ọlẹ kọ ka kpa ogbo ogwogwo kịla Ohe Oluhye mẹ. Ịlẹhị lẹ, ọọwa á rẹkẹẹ angịnyị nya ịKịrayịsị ka juwa kụ irya ju ẹla ịlẹpwụ nya ịBayịbụụ ụka wuu ka. Ma, ang ịlẹ kahị ka kụ irya ju ka ri ang ịlẹ kị ka kpu iJihova ịpyọ. Áhị ka kụ irya u-uhye nya ang ịlẹ kị ka du kahị ka godayị giri-giri ha iJihova myị́ ka lẹ ka.—Eje 19:14.

Ọ́ ka lujwo nyọka cheji ba hi irya ọtịpyọ ọkụkụ. Áhị kaa ma uya ta ọ-la kpẹẹkpẹẹ ka nyahị kem ka, ma ahị ka ma uya ta Olegu Onyobyi, ọlẹ ká angị myị la Ohe Oluhye ka, “kaa gbịgba ha lala ohe nyaa.”(2Kọr 4:4) Chajị, ọwa a kaa kpa ịlahị ẹ-ẹpwụ nya ang ịtịpyọ ịlẹ kịị mẹjẹ ẹ-ẹpwụ nya arụrụ ịla akpa, irediyo, intanẹtị bala apwụ nya oja ịlẹ kịị da kpehe wuu lẹ. Ahị baba nyọka ya ẹhị neeji yẹẹyẹẹ ene kahị ka chụ ang ịlẹ kahị ka yẹ, chajị ang ịlẹ kahị kaa yẹ ka gu irya ọkụkụ bala abwẹla nyahị myị́.—Jem 1:14,15.

YẸ IFIM ỌLẸ KỌ RI CHEJI BA HI ANG ỌLẸ KỌ KA TA OGODAYỊ GIRI-GIRI NYANG AYỊREJI—ỤYA ỌYAYA ỊLẸ KỊ PWOKU KA, KANỤ WẸ ỊTỌ ILEJI ỊLẸ: