Kpehe ka ala ịlẹpwụ

Kpehe ka ẹga kị da egbeju nya ala ju

 ỤPA 1

Ányị Ohe Oluhye À Tị́ Kaa Bwu Ya Ẹla Tahị-ị̀?

Ányị Ohe Oluhye À Tị́ Kaa Bwu Ya Ẹla Tahị-ị̀?

Ohe Oluhye kaa ya ẹla tahị bwula ịBayịbụụ. 2 ITimoti 3:16

Ohe nyịlẹhị kpa angịnyị ehe da irya nyamwụ ju ẹ-ẹpwụ nya ụpwụ ịgọgọ ọlẹ kị wụrụ nya ịBayịbụụ. Ẹla ịlẹ kị baba yẹẹyẹẹ, ká Ohe Oluhye tịtọ á ka jẹ́, juwa ẹ-ẹpwụ nyamwụ.

Ohe Oluhye jẹ́ ang ịlẹ kị há hahị, ọwa à ri ẹmwụ enyi nya ẹla ọjẹ́jẹ lẹ. Kori kahị ke ụrụ wo ẹla nyamwụ, ahị ka la ẹla ọjẹ́jẹ ọlam-ọlam.—Ala Efesọsị 1:17; ILuku 11:28.

Ohe Oluhye tịtọ ká ọng myị́ ọng wuu odehe ka wa ịBayịbụụ. O ji o-òja lụmẹ-lụmẹ.

Kori ká tịtọ á ka wo ẹla nya Ohe Oluhye aalẹ, à ka wa ịBayịbụụ ká ka jẹ́ etu nyamwụ.

 Angịnyị bwu odehe wuu kaa ke ụrụ. ỊMatiyu 28:19

Alibeenu nya iJihova ka jẹ́-ẹ dang ụbwọ jẹ́ etu nya ẹla ọlẹpwụ nya ịBayịbụụ.

Ị kaa mẹ ẹlịlẹhị chajị nya Ohe Oluhye jẹ odehe wuu.

Á ka nwụ okpoko chajị nya ang ọmẹjẹ ọọwa ka. À ka jẹ́-ẹ jẹ́ ang chajị nya Ohe Oluhye u-Ube nya Ịpyị-Adịrahụ nya Alibeenu nya iJihova ịnyịnyị.