Kpehe ka ala ịlẹpwụ

Kpehe ka ẹga kị da egbeju nya ala ju

 EGBEJU 15

Ịyẹ Tị́ Du Á kà Jẹ́ Ang Chajị nya IJihova Gụ Ọwọwa?

Ịyẹ Tị́ Du Á kà Jẹ́ Ang Chajị nya IJihova Gụ Ọwọwa?

1. Apyobwuna oyina a tị́ ka ye bwula ọ-jẹ́ ịBayịbụụ gụ ọwọwa?

O ri ịnyịlẹhị nyori, ẹla ọmẹjẹ ịkpọngchị ịla ịBayịbụụ ịwẹ ju ọháha nyang ọngịrị ẹ-ẹga nya iJihova. Ọ tị baba nyọka họ ụkụrwọ chajị ká ọháha ọwẹ ka juwa nwa kịlahị-ịlahị. (1 IPita 2:2) Ahụ ọ-ka ye ọhịhị ọmyịmyị-ka kpụnịrọ ọ-ka juwa tụ ju Ohe Oluhye chwẹẹ bwula ọ-jẹ́ Ụpwụ Ịgọgọ.—Wa ỊJọn 17:3; IJudu 21.

Jaabwọ ka wẹẹ jẹ́ ẹla nya Ohe Oluhye, ịnyịnyị ọmyịmyị nyang à ka la ọngịrị gụ ọwọwa lẹ. Ọmyịmyị ọọwa kà dang ụbwọ nyọka họ ẹla ọlẹ kọ́ ka kpụ Ohe Oluhye ịpyọ. (Ala iHiburu 11:1, 6) Ọ ka myịmyị gung gbịla nyọka yẹda bala ọ-nwụ ọhịhị nyang rịrị ụ-ụgbẹyị ọlẹ kọ́ ka ju apyobwuna hang.—Wa Ụkụrwọ nya Alẹrụ 3:19.

2. Ányị ẹla nya Ohe ọjẹ́jẹ nyang à tị́ ká bwu ju apyobwuna ha angịkịla?

À ka jẹ́-ẹ ri oligu nya iJihova la apatabwọ kiwa ka myị́

Ọ ka chịng ila-ila bwu ọkịlẹtụ nyọka ya ẹla ọlẹ ká jẹ́ ju angịkịla, chajị ọ kaa kpụhị wuu ịpyọ nyọka ja oja ọnyịịla. Jaabwọ ká wẹẹ jẹ́ ịBayịbụụ, à ka jẹ́ jaabwọ á kà kpa ẹla ọlẹpwụ nyamwụ ya ọmyịmyị ọlẹ ká la ẹga nya iJihova bala oja ọnyịịla dodehe ju angịkịla.—Wa Ala iRom 10:13-15.

Angịhyẹ lụmẹ-lụmẹ kaa dọmwụ bwula o-ya oja ọnyịịla ọwẹ ju aligu lee ala ugbiyegu nyaa. Ma, à ka dụmwọ-dụmwọ. Ọkọkọ nyọka byaa nyori ang ọlẹ kịị mẹjaa ị-ịchọọchị nyị ri ọnọọkịla, ya ang ọlẹ ká Ohe Oluhye myị ọnụ nyọka họ jaa. Myịmyị kpịtịya nyori, abwẹla kaa da ọna gboo gu ẹla ọlọnụ.—Wa 2 ITimoti 2:24, 25.

3. Ụgbẹyị oyina à tị́ wụrụ da hang?

ỊBayịbụụ ọjẹ́jẹ ka dang ụbwọ nyọka nwa kịlahị-ịlahị ẹ-ẹga nya ang nya olegu. Ọọwa tị ka du ká ka tụ ju Ohe Oluhye chwẹẹ gụ ọwọwa. Ịnyịnyị, à ka wẹ ka ri ala ugbiyegu nyamwụ.—Wa 2 Ala ịKọrịntị 6:18.

 4. Ányị a tị́ ka bwu nwa kịlahị-ịlahị?

À ka nwa kịlahị-ịlahị ẹ-ẹga nya ang nya olegu bwula ọ-kịnyaa juwa jẹ́ Ụpwụ Ịgọgọ. (Ala iHiburu 5:13, 14) Byi ọngọhẹ nya Alibeenu nya iJihova nyọka jẹ́ ịBayịbụụ balang bwula ọ-kpa ụpwụ ọlẹ kọ ri, What Can the Bible Teach Us? Jaabwọ ka juwa jẹ́ Ụpwu Ịgọgọ gụ ọwọwa, ịnyịnyị ọhịhị nyang à ka ju apyobwuna hang lẹ.—Wa Eje Ọnyịịla 1:1-3; 73:27, 28.

“Oja ọnyịịla ọlẹbyẹbyị nya Ohe Oluhye ọlẹ kọ́ ri ọngọ chị ọkẹkẹnị” juwa ị-ịBayịbụụ. (1 ITimoti 1:11NW ) À ka tụ ju Ohe Oluhye chwẹẹ bwula ọ-tụ ju angịnyị nyamwụ chwẹẹ ịnyịnyị. (Ala iHiburu 10:24, 25) Bwula ọ-kịnyaa juwa maga nyọka họ ẹla ọlẹ kọ́ ka kpụ iJihova ịpyọ, à ka yụbwọ chị ọhịhị ọlam-ọlam—ọlẹ kọ́ ri ọhịhị ọmyịmyị-ka gogo. Ọ-tụ ju Ohe Oluhye chwẹẹ, à ri ang ọnyịịla ọlẹ á ka jẹ́-ẹ họ ẹ-ẹpwụ nya ọhịhị wuu lẹlẹ.—Wa 1 ITimoti 6:19.