Kpehe ka ala ịlẹpwụ

Kpehe ka ẹga kị da egbeju nya ala ju

 HỊHỊ LALA ANGỊNYỊ NYA ỊKỊRAYỊSỊ

A Nwụlanọ Lẹ?

A Nwụlanọ Lẹ?

Kori ká ayịreji o-bwu agaga á kpeji o-oye nyang, a nwụlanọ lẹ? Ọpyị ọhụ jigi-jigi, igbachịhụ ọnyọọngịrị, ila o-bwu agaga ọ-ta ang ayịreji, bala ukpenyi ọtụka, ka jẹ́-ẹ kpeji myị́ lụka ọ-kpahị ju ka bala ọ-ka ta ang ayịreji myị́ ịnyịnyị. Da ọọwa u-uhye, ala ekpulo ẹla ọ-gba mịla ẹga, ẹla ọmwọmwọ, bala ẹdụrụ nya ịdọlọ-dọlọ ka jẹ́-ẹ kpeji myị lụka o-me irya ka. (Ọngọ 9:11) Áhị me irya yẹkẹẹ ang ịlịịwẹ nyị́ ka họ o-oye nya ẹga kahị kụ myị, ka lẹka.

Ọng myị́ ọng nyahị ka hu ẹta-ẹdịyẹ nyọka nwụlanọ gbe ayịreji o-bwu agaga. (Etu 22:3) Nanana nyori, ogu nya iJihova kaa ya ang ịlẹ kị ka dahị ụbwọ hahị ụka ká ayịreji o-bwu agaga á kpeji, ọng myị́ ọng lẹpwụ nyahị la ụkụrwọ nyọka nwụlanọ giri-giri.—Gal 6:5.

YẸ IFIM ỌLẸ KỌ RI, À NWỤLANỌ GBE AYỊREJI O-BWU AGAGA LẸ? KÁ WẸ ỊTỌ ẸLA ILEJI ỊLẸ:

  • Ányị ahị tị́ ka bwu nwụlanọ ẹ-ẹpwụ nya olegu gbe ayịreji o-bwu agaga?

  • Ịịyẹ tị́ du kọ baba nyọka . . .

    • wo ẹla bwu ẹga nya angịgbahị nya ọjịra-jịra ene nya ayịreji o-bwu agaga, ụka ká ayịreji o-bwu agaga á kpeji, bala ụka kọ họ kpá?

    • nwụla ịbang ọhẹ nọ nya ọ-jaabwọ nya ẹla ka?—g17.5 6

    • ya ẹla u-uhye nya ụma nya ayịreji o-bwu agaga ịdatị-datị bala abwọlẹ kahị ka họ ẹ-ẹpwụ nya iwe-ahụrụ ọnyị myị́ ọnyị?

  • Agbẹyị ịta iyina ahị tị́ ka jẹ́-ẹ da angịkịla ụbwọ ụka ká ayịreji o-bwu agaga á họ taa?