Kpehe ka ala ịlẹpwụ

Kpehe ka ẹga kị da egbeju nya ala ju

 HỊHỊ LALA ANGỊNYỊ NYA ỊKỊRAYỊSỊ

Cheji Ba Hi Ụnya Ịla Intanẹtị ọ-Kpa Joja

Cheji Ba Hi Ụnya Ịla Intanẹtị ọ-Kpa Joja

ỊYẸ TỊ́ DU KỌ BABA: Lala ang abwọ ị-kpa họ ụkụrwọ lụmẹ-lụmẹ, intanẹtị ị-kpa joja ka jẹ́-ẹ dahị ụbwọ lee ọ-họhị ang ọtịpyọ myị́. Angịnyị nya ịKịrayịsị ịhyẹ cheji ba hi intanẹtị ị-kpa joja, angịkịla tị kaa kpa intanẹtị ị-kpa joja họ ụkụrwọ chajị nyọka jẹ́-ẹ ya ẹla ta ala ugbeyigu bala aligu nyaa. Ma, Olegu Onyobyi tịtọ káhị ka kpa họ ụkụrwọ ụ-ụgbẹyị ọlẹ kọ chịla ka, chajị nyọka bịrị ẹnyị nyahị bala igu oriri nyahị ta iJihova. Lala iJisọsị, ahị ka jẹ́-ẹ kpa Omyi Ẹla nya Ohe Oluhye jẹ́ ang ịtịpyọ bala ọ-ka cheji ba hyaa myị́.​—Luk 4:​4, 8, 12.

ỤNYA ỊLẸ KAHỊ KA CHEJI BA HI:

  • Ọ-bịrị ụka lụmẹ ẹ-ẹpwụ nya intanẹtị. Ụka ọ-bịrị lụmẹ-lụmẹ ẹ-ẹpwụ nya intanẹtị ọ-kpa joja ka ye ụka ọlẹ káhị ka kpa họ ang nya olegu

    Ẹla ọla ịBayịbụụ: Efẹ 5:​15, 16; Fil 1:10

  • Ọ-yẹ ang ịlẹ kị pwoku ka. Ọ-yẹ arụrụ nya angịnyị ị-kuru ang ya ịnyịrọ dodehe ka kpa ọngịnyị ka ẹpwụ nya arụrụ nya angịnyị i-ji lọhị-lọhị ọyẹyẹ lee ụya ọhọhọ myị́. Ó-ri kahị wa ang ịlẹ ká angị ji ẹkpẹ da ogu nya iJihova da intanẹtị lee ẹga ọ-kpa angịnyị kụ, ọọwa ka jẹ́-ẹ ta ọmyịmyị nyahị ayịreji myị́

    Ẹla ọla ịBayịbụụ: Mat 5:28; Fil 4:8

  • Ọ-da ang bala ọ-ya arụrụ ipwoku-ka ju ụ-ụwa. Nyọlẹ ká ọkịlẹtụ nya ọngịnyị ehe á ju ọdahịhile-ka wẹẹ, ọngịnyị ka la irya nyọka da ang ọtịpyọ lee ọ-ya arụrụ ịtịpyọ ba ẹ-ẹpwụ nya intanẹtị ọ-kpa joja myị́. Ma, ọọwa ka bịrị ẹnyị nya ọngịnyị lee ọ-kịla ọngọọwa ata ẹ-ẹga nya ang nya olegu myị́

    Ẹla ọla ịBayịbụụ: Rom 14:13; Efẹ 4:29

YẸ IFIM ỌLẸ KỌ RI, JẸ́ IJẸẸHỊ NYA INTANẸTỊ Ọ-KPA JOJA, KÁ YA ẸLA U-UHYE NYA ỤGBẸYỊ ỌLẸ KÁ ỌNGỊNYỊ KA JẸ́-Ẹ CHEJI BA HI IWE-AHỤRỤ ỊLẸ: