Kpehe ka ala ịlẹpwụ

Kpehe ka ẹga kị da egbeju nya ala ju

 ANG ỤDỤ BWU OMYI ẸLA NYA OHE OLUHYE | 2 ALA ỊKỌRỊNTỊ 4-6

“Ọkịlẹtụ Á Kpụhị Enyi . . . Ka”

“Ọkịlẹtụ Á Kpụhị Enyi . . . Ka”

4:16-18

Me irya nya ugbiyegu imiiye ịhyẹ ịlẹ kị́ kụ́ ẹpwa u-ube ohogo-hogo ọlẹ kọ́ kpugu wuu jẹgụ-jẹgụ wẹẹ. Ugbiyegu ọhẹ la ọkịlẹtụ ọ-kpu enyi yẹẹyẹẹ. Ọ tị la ẹbyẹbyị nyori ugbiyegu ọkịla juwa chị ọkẹkẹnị. Ịyẹ tị du kọ́ lịnyị? Chajị ugbiyegu oheeye ọwẹ jẹ́ nyori lụka kpii, Ị ka mwụ ka ẹpwa onyeewe ọlẹ kọ́ há-ụhị yẹẹyẹẹ.

Ịnyịlẹhị lẹ, “ang-abwọ ịlẹ wuu ká Ohe Oluhye họhọ odehe ọlẹ, ị jam ya ọnụ da awụlẹ ẹ-ẹpwụ nya eru ọchịchị nya ang ọjụjụ . . . pyịyọọ daalẹ ọlẹ.” Ma anchẹ nya Ohe Oluhye tị la ẹhị ọrịrịị-rịrị ọlẹ kọ́ kaa ya ọhụ ọbaba haa. (Ro 8:22) Ahị jẹ́ nyori akama nyahị wuu, tụ́ ịlẹ kị́ ji bwu oyi-oyi onyogo, ka cheju “lụka o-kpii.” Ma, ahị ọwawa nya ọhịhị o-gbe oyi myị́ oyi ụ-ụwa odehe onyeewe, á la ọchụ me-ka. Kori káhị yẹhị nyahị nọ u-uhye nya ahị ọwawa ịla Ịpyị-Adịrahụ nya Ohe Oluhye ị-ịlahị, ọ ka dahị ụbwọ dudu káhị ka chị ọkẹkẹnị bala ọ-ka la ọkịlẹtụ ọ-kpụ enyi ka.