Kpehe ka ala ịlẹpwụ

Kpehe ka ẹga kị da egbeju nya ala ju

 HỊHỊ LALA ANGỊNYỊ NYA ỊKỊRAYỊSỊ

Godayị Giri-giri Jaabwọ ká Ocheju nya Odehe Wẹẹ Ju Chwẹẹ

Godayị Giri-giri Jaabwọ ká Ocheju nya Odehe Wẹẹ Ju Chwẹẹ

ỊYẸ TỊ DU KỌ BABA: Ang ịlẹbyẹbyị ka họ lụka o-kpii ịlẹ kị ka mẹ ugbodu ojuju bala ahị ọdahile nyahị ẹ-ẹga nya iJihova yẹ, ụma ọlẹ kọ họ ẹnẹnẹhẹ lẹka. Akama ọtụka okpelego ka dọmwụ bwula ịgba ọgbagba nya ịnịịkịla ọ-ta ayịreji. (Mat 24:21; Ọwụ 17:16, 17) Lụka nya ojugu-jugu ọwẹ, ọhẹka ahị ka ya omyi ẹla ọnyọọngịrị nya eje ọlala ọkọkọ nya oja ọnyịịla. (Ọwụ 16:21) ỊGọọgụ nya ịMagọọgụ ka jahị dahị. (Isi 38:10-12, 14-16) Ma, iJihova ka ma uya yẹ angịnyị nyamwụ dada, bwula ọ-dọmwụ nya ẹwụ nya “ẹnụtụrụ ọtụka nya Ohe Oluhye Agụgụ ọtụka.” (Ọwụ 16:14, 16) Ọ̀ ka ju ugbodu ojuju nyahị ọngịrị chajị nya ang ịlẹ kị ka họ ị-ịlahị, ahị baba nyọka godayị giri-giri ẹ-ẹpwụ nya ịmayẹ ịlẹ kị wẹẹ mẹ ọmyịmyị nyahị yẹ lẹẹlẹẹ.

JAABWỌ KÁ KA BWU HỌ ỊNYỊ:

  • La o-juhi ka, ri ibeenu nya ẹla nya iJihova bala ọ-hịhị ba abwẹla icheri-cheri nya iJihova jẹ.​—Ayị 5:20

  • Kịnyaa ẹ-ẹpwụ nya ịgba ọgbagba bala angịnyị nya ịKịrayịsị ịkịla.​—Hib 10:24, 25

  • Nwụlanọ nyọka ba ọmẹjẹ ọnyị myị́ ọnyị ọlẹ kọ bwu ẹga nya ogu nya iJihova jẹ.​—Hib 13:17

  • Kụ irya kpori-kpori u-uhye nya abwọlẹ ká iJihova bwu chị angịnyị nyamwụ da lụka onyogo.​—2Pit 2:9

  • Raabwọ ha iJihova bala ọ-dahịhiloo.​—Eje 112:7, 8

YẸ IFIM ỌLẸ KỌ RI, ANG ỊLẸ KỊ KA HỌ Ị-ỊLAHỊ KỊ TỊ BABA NYA UGBODU OJUJU​ỤPA OCHICHE, KANỤ WẸ ỊTỌ ẸLA ILEJI ỊLẸ:

  • Ọmayẹ nya ihi ojuju oyina à tị́ chị aanahị ọgụ ẹ-ẹpwụ nya ọjịra-jịra ọlẹ kị yejụla ọkịla?

  • Ányị ugbodu ojuju bala ihi ojuju à tị́ da ori wu awụlẹ?

  • Ịyẹ tị́ du kahị ka baba nya ugbodu ojuju lụka nya Amagẹdọn?

  • Nwụlanọ lẹẹlẹe gbe ang ịlẹ kị ka họ ị-ịlahị kị tị baba nya ugbodu ojuju

    Oja oyina bwu ịBayịbụụ à tị́ ka jẹ́-ẹ dahị ụbwọ nyọka ju ọmyịmyị nyahị ọngịrị ẹ-ẹga nya iJihova nyori ọ ka chịhị da?​—2Ego 20:1-24