Gaa n'Isiokwu

Ihe A Na-eme n’Ụlọ Ọrụ Anyị na Oge E Ji Aga Elegharị Anya Ebe Ahụ

Obi ga-adị anyị ụtọ ma ị gaa legharịa anya n’ụlọ ọrụ anyị dị iche iche nakwa n’ebe ndị anyị na-ebi akwụkwọ. Ebe a ka ị ga-anọ achọpụta ebe ụlọ ọrụ anyị dị na oge ndị ọbịa ji aga elegharị anya ebe ahụ.

Ihe Banyere Koronavaịrọs: N'ọtụtụ mba, anyị anaghịzi ekwe ka ndị mmadụ bịa ilegharị anya n'alaka ụlọ ọrụ anyị. Biko kpọọ alaka ụlọ ọrụ ị chọrọ ịga ka ha kọwakwuoro gị.

Denmak

Maka Ịgwa Anyị Oge Ị Ga-achọ Ịbịa Legharịa Anya

Mmadụ ò kwesịrị ịgwa anyị mgbe ọ ga-achọ ịbịa legharịa anya? Ee. Iji hụ na ndị bịara ilegharị anya n’otu oge akarịghị akarị, anyị ga-achọ ka ndị ọ bụla ga-abịa ilegharị anya gwa anyị agwa tupu ha abịa n’agbanyeghị ole ha ga-adị.

Ọ bụrụ na ị gwaghị anyị agwa tupu gị abịa, ị̀ ka nwere ike ịga legharịa anya? O nwere ike anyị agaghị ekwe ka ị gaa legharịa anya. Anyị enweghị ebe ga-aba ọtụtụ mmadụ, n’ihi ya, ọ bụ naanị mmadụ ole na ole ka anyị nwere ike ịkpọgharị n’ụbọchị.

Olee oge i kwesịrị irute n’ụbọchị ị chọrọ ịbịa legharịa anya? Iji hụ na ị malitere n’oge legharịwa anya, biko gbaa mbọ rute ọ dịkarịa ala nkeji iri tupu oge i kwuru na ị ga-achọ ịmalite ilegharị anya eruo.

Olee otú ị ga-esi agwa anyị na ị chọrọ ịbịa legharịa anya? Pịa ebe e dere “Kwuo Oge Ị Ga-achọ Ịbịa Legharịa Anya.”

Ì nwere ike ịkagbu oge ị chọrọ ịbịa legharịa anya ma ọ bụ gbanwee ya? Ee. Pịa ebe e dere “Lee Oge I Tinyere ma ọ bụ Gbanwee Ya.”

Ọ bụrụkwanụ na mmadụ ole anyị chọrọ ịkpọgharị n’ụbọchị ị chọrọ ịbịa legharịa anya ezuola? Nọgide na-ele n’adres Ịntanet anyị n’ihi na anyị nwere ike ikwe ka ị bịa legharịa anya n’ụbọchị ahụ ma ọ bụrụ na ndị tinyeburu ụbọchị ahụ akagbuo ma ọ bụ yigharịa ya.

Adres Ya

Stenhusvej 28

DK-4300 HOLBAEK

DENMARK

+45 59-45-60-00

Ihe A Na-eme

Ha na-ahazi ọrụ ikwusa ozi ọma Ndịàma Jehova dị ihe dị ka puku iri ise na Denmark, Feroo Aịlandz, Grinland, Aịsland, Nọọwee, na Swidin na-arụ. Ha na-ahazikwa ịsụgharị akwụkwọ ndị e ji amụ Baịbụl n’asụsụ isii nakwa n’asụsụ ndị ogbi atọ. Ha na-emepụtakwa ọtụtụ vidio na ihe ndị a na-egere egere n’asụsụ ndị a.

Danloduo Akwụkwọ Ga-akọkwuru Gị Ihe Ndị Ọzọ