Anyị ji obi ụtọ na-akpọ gị ka ị bịa mgbakọ Ndịàmà Jehova ga-enwe n’afọ a. Ọ ga-ewe abalị atọ.

IHE ỤFỌDỤ A GA-EME NÁ MGBAKỌ A

  • Okwu na Ajụjụ Ọnụ: Mụta ụzọ dị iche iche ị ga-esi jiri obi ike na-edi nsogbu ndị i nwere ugbu a nakwa ndị nwere ike ịbịa n’ọdịnihu.

  • Ihe Ndị A Na-egere Egere na Vidio Ndị A Ga-egosi: Chọpụta ihe ụmụ mmadụ na ụmụ anụmanụ nwere ike ịkụziri anyị banyere obi ike.

  • Okwu Ihu Ọha: Chọpụta ihe mere Jizọs ji gwa otu nwoke na-eru uju, sị: “Atụla egwu.” (Mak 5:​36) Gee ntị n’okwu si na Baịbụl a ga-ekwu n’ụtụtụ Sọnde. Isiokwu ya bụ “Olee Otú Olileanya Mbilite n’Ọnwụ Si Eme Ka Anyị Nwee Obi Ike?”

  • Fim A Ga-egosi: N’ehihie Sọnde, ị ga-ahụ ihe mere Jona ji hapụ ozi Chineke dunyere ya, gbafuo.

ÒNYE NWERE IKE ỊBỊA MGBAKỌ A?

Ma onye ukwu ma onye nta. Ị gaghị akwụ ụgwọ tupu gị abata, o nweghịkwa onye a ga-abịa nawa ego.

Gụọ akwụkwọ e dere ihe niile a ga-eme, leekwa vidio gbasara mgbakọ anyị.