Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'Isiokwu

Ndịàmà Jehova

Igbo

Gịnị Mere Unu Ji Ezi Ndị Chọọchị Ọzọ Ozi Ọma?

Gịnị Mere Unu Ji Ezi Ndị Chọọchị Ọzọ Ozi Ọma?

Anyị achọpụtala na ọtụtụ ndị na-enwe mmasị ka anyị na ha kparịta ihe dị na Baịbụl n’agbanyeghị na ha nwere chọọchị ha na-aga. Anyị ma na onye ọ bụla nweere onwe ya ikwere ihe ọ bụla masịrị ya, anyị anaghịkwa amanye ndị mmadụ ka ha kweta ihe anyị gwara ha.

Mgbe ọ bụla anyị na-ezi ndị mmadụ ozi ọma, anyị na-agbalị ‘iji obi dị nwayọọ na nkwanye ùgwù dị ukwuu’ agwa ha okwu n’ihi na ọ bụ otú ahụ ka Baịbụl kwuru ka anyị na-eme. (1 Pita 3:15) Anyị ma na o nwere ndị na-agaghị achọ ịnụ ozi ọma anyị. (Matiu 10:14) Ma, anyị agaghịnụ ama onye ga-anụ na onye na-agaghị anụ ma ọ bụrụ na anyị agakwurughị ha zie ha ozi ọma. Anyị makwa na otú ihe si dịrị mmadụ taa nwere ike ọ gaghị abụ otú ọ ga-adịrị ya echi.

Dị ka ihe atụ, o nwere ike mmadụ agaghị enwecha ohere mgbe anyị gara na nke ya, ma o ruo ụbọchị ọzọ, ya enwee ohere. Nsogbu nwekwara ike ịbịara mmadụ, ya emee ka onye ahụ nwewezie mmasị na Baịbụl. Ọ bụ ihe ndị a mere anyị ji aga na nke ndị mmadụ ọtụtụ ugboro ka anyị zie ha ozi ọma.