Aịzaya 3:1-26

  • Ndị isi ndị Juda na-eduhie ha (1-15)

  • A ga-ekpe ụmụ nwaanyị Zayọn na-achụ nwoke ikpe (16-26)

3  Ezi Onyenwe anyị, bụ́ Jehova nke ụsụụ ndị agha,Na-anapụ Jeruselem na Juda ihe niile ha tụkwasịrị obi na ihe ndị dị ha mkpa,Ma nri ma mmiri,+   Ma dike ma onye agha,Ma onyeikpe ma onye amụma,+ ma onye na-agba afa ma okenye,   Ma onyeisi ndị agha iri ise+ ma onye a na-akwanyere ùgwù ma onye ndụmọdụMa onye bụ́ aka ochie n’ime anwansi, ma onye ma otú e si arata agwọ.+   M ga-eme ka ụmụntakịrị nwoke bụrụ ndị isi ha. Ndị na-anaghị akwụ otu ebe ga na-achịkwa ha.   Ha ga na-emekpa ibe ha ahụ́. Onye nke ọ bụla ga na-emekpa ibe ya ahụ́.+ Nwatakịrị nwoke ga na-akparị agadi nwoke. Onye na-enweghị ihe ọ bụ ga na-akparịkwa onye a na-akwanyere ùgwù.+   Onye nke ọ bụla ga-ejide nwanne ya n’ụlọ nna ya, sị: “Ebe ọ bụ na i nwere ákwà mgbokwasị, chịwa anyị. Lekọtawakwa ebe a a kwaturu, ya aghọọ ikpo nkume.”   Ma ọ gaghị ekwe. Ọ ga-ekwu n’ụbọchị ahụ, sị: “Agaghị m abụ onye na-ekechi ọnyá unu.* Nri ma ọ bụ uwe adịghịkwa n’ụlọ m. Unu emela m onye ga na-achị ndị mmadụ.”   N’ihi na Jeruselem adaala,Juda adaakwala,Maka na ha na-emegide Jehova, ma n’okwu ọnụ ma n’omume. Ha na-enupụ isi n’ihu onye dị ebube.+   Otú ihu ha dị na-egosi ihe ha mere. Ha na-ekwurịtakwa gbasara mmehie ha ka ndị Sọdọm.+ Ha anaghị ezo ya ezo. Ha* ga-ata ahụhụ, n’ihi na ha na-akpatara onwe ha ọdachi. 10  Gwanụ ndị ezi omume na ihe ga-agaziri ha. A ga-akwụ ha ụgwọ ihe ha na-eme.+ 11  Onye ajọ omume ga-ata ahụhụ. Ọdachi ga-adakwasị ya,N’ihi na a ga-eme ya ihe o mere ndị ọzọ. 12  Ndị na-agwa ndị m ihe ha na-arụ na-emesi ha ike. Ọ bụkwa ụmụ nwaanyị na-achị ha. Unu ndị m, ndị ndú unu edufuola unu. Ha emeekwala ka ụzọ unu kwesịrị iso gbagwojuo unu anya.+ 13  Jehova na-akwadebe ikpe ikpe,O guzokwa ọtọ ikwu ihe ọ ga-eme mba dị iche iche. 14  Jehova ga-ekpe ndị okenye na ndị isi ndị ya ikpe. “Unu agbaala ubi vaịn ọkụ. Ihe unu zuru na nke ndị ogbenye dịkwa n’ụlọ unu.+ 15  Gịnị mere unu ji na-emesi ndị m ike,Na-echikwa ụmụ ogbenye ọnụ n’ala?”+ Ọ bụ Ọkaakaa Onyenwe anyị, bụ́ Jehova nke ụsụụ ndị agha, kwuru ihe ndị a. 16  Jehova kwukwara, sị: “Ụmụ nwaanyị Zayọn dị mpako. Ọ na-abụ, ha na-aga n’ụzọ, ha ana-ele anya n’elu,*Jiri anya ha na-achụ nwoke, na-aga ije nganga,Na-emekwa ka ọla ha gba n’ụkwụ na-eme mkpọtụ. 17  N’ihi ya, Jehova ga-eme ka akpụkpa ghaa ụmụ nwaanyị Zayọn n’isi. Jehova ga-emekwa ka isi kwọchaa ha.+ 18  N’ụbọchị ahụ, Jehova ga-ewepụ ihe niile ha ji achọ onwe ha mma, ma ọla ụkwụ ha,Ma ihe ha na-eke n’isi, ma ihe yiri ọnwa ha ji achọ mma,+ 19  Ma iyeri ntị, ma ọla ha na-agba n’aka, ma ákwà ha ji ekpuchi ihu ha, 20  Ma ákwà isi, ma ọla ha na-agba n’ụkwụ, ma ákwà ha na-eke n’obi,Ma mkpọ̀ sent, ma ọtụmọkpọ ha, 21  Ma mgbaaka ha, ma ọla ha na-agba n’imi, 22  Ma uwe ha na-eyi n’ememme, ma uwe elu ha, ma ákwà mgbokwasị ha, ma obere akpa ego ha, 23  Ma enyo ha na-eji n’aka,+ ma uwe ha ndị e ji linin kpaa,*Ma ákwà ha na-eke n’isi, ma ákwà ndị ha ji ekpuchi ihu ha. 24  A ga na-anụ ísì ihe rere ere n’ahụ́ ha kama ịnụ ísì mmanụ balsam.+ Ha ga-eke eriri kama ike ájị̀. Ha ga-enwe isi nkwọcha+ kama inwe ntutu isi mara mma. Ha ga-eyi ákwà iru uju+ kama iyi ákwà dị oké ọnụ. Kama ịchọ ha mma, a ga-akacha ha ihe n’ahụ́. 25  Zayọn, a ga-eji mma agha gbuo ụmụ nwoke nọ n’ime gị. A ga-egbukwa ndị dike nọ n’ime gị n’agha.+ 26  Ndị mmadụ ga-anọ n’ọnụ ụzọ gị niile na-eru uju, na-ebekwa ákwá.+ Ị ga-anọkwa ọdụ n’ala na-ebe ákwá.”+

Ihe E Dere n'Ala Ala Peeji

Ma ọ bụ “onye na-agwọ unu.”
Ma ọ bụ “Mkpụrụ obi ha.”
Na Hibru, “ana-agbatị olu ha.”
Ma ọ bụ “uwe ime ha.”