Aịzaya 21:1-17

  • Ihe Chineke kpebiri ime ala ịkpa nke dị ka oké osimiri (1-10)

    • Onye nche nọ n’ụlọ nche na-eche nche (8)

    • “Babịlọn adaala!” (9)

  • Ihe Chineke kpebiri ime Duma na ọzara (11-17)

    • “Onye nche, chi ọ̀ bọwala?” (11)

21  Ihe Chineke kpebiri ime ala ịkpa nke dị ka oké osimiri:*+ E nwere ọdachi si n’ala ịkpa nakwa n’ala na-atụ ụjọ na-abịaOtú oké ifufe nke na-efe n’ebe ndịda si aga.+   E nwere ọhụụ na-emenye ụjọ e mere ka m hụ: Onye aghụghọ ka na-aghọ aghụghọ. Onye na-ebibi ihe ka na-ebibi ihe. Ịlam, gaa agha! Midia, nọchibido obodo!+ M ga-eme ka ude niile o* mere ka ndị mmadụ na-asụ kwụsị.+   Ọhụụ a emeela ka m hụsie anya.*+ Ahụ́ niile na-egbu m mgbuOtú o si egbu nwaanyị mgbe ọ na-amụ nwa. Anaghịzi m anụ ihe maka na obi erughị m ala. Anaghịzi m ahụ ụzọ maka na isi na-agba m ghara ghara.   Obi anaghịzi ezu m ike. M na-amakwa jijiji n’ihi ụjọ. Chi ojiji nke na-amasịbu m na-emezi ka m na-ama jijiji.   Doonụ tebụl n’usoro, haziekwanụ oche. Na-erinụ ihe, na-aṅụkwanụ mmanya.+ Ndị isi, bilienụ tee ọta mmanụ.   N’ihi na Jehova gwara m, sị: “Gaa, dowe onye nche ka ọ na-ekwu ihe ọ na-ahụ.”   Onye nche ahụ hụkwara ndị nọ n’ụgbọ agha nke ịnyịnya abụọ na-adọkpụ,Hụkwa ụgbọ agha nke jakị na-adọkpụ,Na ụgbọ agha nke kamel na-adọkpụ. O leruru anya ala, geekwa ntị nke ọma.   O tiziri mkpu ka ọdụm, sị: “Jehova, m na-eguzo n’ụlọ nche mgbe niile n’ehihie,Na-eguzokwa n’ebe m na-anọ eche nche n’abalị ọ bụla.+   Legodị ndị na-abịa: Ha nọ n’ụgbọ ịnyịnya agha nke ịnyịnya abụọ na-adọkpụ na-abịa.”+ O kwukwara, sị: “Babịlọn adaala! Ọ daala!+ A kụọla arụsị ya niile a pịrị apị, ndị bụ́ chi ya, righirighi, ha awụsara n’ala!”+ 10  Unu ndị m a na-azọ ụkwụ ka à na-azọcha ọka,Ndị dịkwa ka ọka* si n’ebe m na-azọcha ọka,+Akọọrọla m unu ihe m nụrụ n’ọnụ Jehova nke ụsụụ ndị agha, bụ́ Chineke Izrel. 11  Ihe Chineke kpebiri ime Duma:* E nwere onye nọ na Sia na-ajụ m,+ sị: “Onye nche, chi ọ̀ bọwala? Onye nche, chi ọ̀ bọwala?” 12  Onye nche asị: “Chi abọwala, chi ga-ejikwa. Ọ bụrụ na unu chọrọ ịjụ ajụjụ, jụwanụ. Bịanụ ọzọ.” 13  Ihe Chineke kpebiri ime ọzara: Ndị Didan, ndị ji kamel ha na-aga njem,Unu ga-arahụ n’oké ọhịa dị n’ọzara.+ 14  Ndị bi na Tima,+Kuterenụ onye akpịrị na-akpọ nkụ mmiri,Wetakwaranụ onye na-agba ọsọ ndụ nri ka o rie. 15  Ha gbara ọsọ n’ihi mma agha, n’ihi mma agha a mịpụtara amịpụta,N’ihi ụta e kwere ekwe nakwa n’ihi otú agha si kpụrụ ọkụ n’ọnụ. 16  Jehova gwara m, sị: “Tupu otu afọ agafee, ihe niile mere ka Kida dịrị ebube+ ga-ala n’iyi. A ga-agụ otu afọ a otú onye e goro ọrụ si agụ oge.* 17  Ndị na-agba ụta n’ime ndị agha Kida ga-afọzi ole na ole, n’ihi na Jehova, bụ́ Chineke Izrel, ekwuola ya.”

Ihe E Dere n'Ala Ala Peeji

O nwere ike ịbụ na Babịlonia oge ochie.
O nwere ike ịbụ Babịlọn.
Na Hibru, “ka úkwù na-egbu m ezigbo mgbu.”
Na Hibru, “nwa.”
Duma pụtara “Idere Duu.”
Ma ọ bụ “A ga-agụ otu afọ a otú onye e goro ọrụ si asa anya na mmiri agụ oge”; ya bụ, ọ ga-abụrịrị otu afọ ahụ.