Abụ Ọma 84:1-12
Ntụziaka e nyere onye na-eduzi abụ; nke ụda Gitit.* Abụ ụmụ Kora.+ Abụ ọma.
84 Jehova nke ụsụụ ndị agha,Ụlọikwuu gị nke dị ebube mara ezigbo mma.+
2 Ịga n’ogige ụlọ Jehova+Na-agụsi m* agụụ ike.
Ọ gụkatala m ike agwụ m.
Eji m obi m niile na ike m niile na-eti mkpu ọṅụ n’ihu Chineke dị ndụ.
3 Jehova nke ụsụụ ndị agha,Eze m na Chineke m,Nnụnụ na-ahụdị ebe ha ga-ebi n’akụkụ nnukwu ebe ịchụàjà gị.
Elekentịọba kpakwara akwụ́ ya n’ebe ahụ,Bụ́ ebe ọ na-elekọta ụmụ ya.
4 Ndị bi n’ụlọ gị na-enwe obi ụtọ.+
Ha ga na-eto gị.+ (Sila)
5 Ndị ị bụ ike ha na-enwe obi ụtọ,+Ya bụ, ndị ọ na-agụ agụụ ka ha nọrọ n’ụzọ e si aga n’ụlọ gị.
6 Mgbe ha na-esi na Ndagwurugwu Beka* agafe,Ha na-ewere ebe ahụ ka isi mmiri.
Mmiri ozuzo mbụ na-agọzikwa ala ahụ.*
7 Ha ga na-aga ebe ha na-aga, ma ike agaghị agwụ ha.+
Onye ọ bụla n’ime ha na-abịa n’ihu Chineke n’ime Zayọn.
8 Jehova Chineke nke ụsụụ ndị agha, biko, nụrụ ekpere m.
Chineke Jekọb, biko, ṅaa m ntị. (Sila)
9 Ọta anyị+ na Chineke anyị,*Meere onye i tere mmanụ amara.+
10 N’ihi na ịnọ otu ụbọchị n’ogige ụlọ gị dị mma karịa ịnọ otu puku ụbọchị n’ebe ọ bụla ọzọ.+
Ọ kaara m mma iguzo ọtọ na-eje ozi* n’ọnụ ụzọ ụlọ Chineke mKama ibi n’ụlọikwuu ndị ajọ omume.
11 N’ihi na Jehova Chineke bụ anyanwụ anyị+ na ọta anyị.+
Ọ na-emere ndị mmadụ amara, na-emekwa ka a na-akwanyere ha ùgwù.
Jehova agaghị ajụ inyeNdị na-enweghị ihe a ga-eji taa ha ụta ihe ọ bụla dị mma.+
12 Jehova nke ụsụụ ndị agha,Onye tụkwasịrị gị obi na-enwe obi ụtọ.+
Ihe E Dere n'Ala Ala Peeji
^ Gụọ Nkọwa Okwu.
^ Ma ọ bụ “mkpụrụ obi m.”
^ O nwere ike ịbụ, “Onye na-ezi ha ihe ji ngọzi ekpuchi onwe ya ka ákwà.”
^ Ma ọ bụ “ndagwurugwu osisi beka juru na ya.”
^ O nwere ike ịbụ, “Chineke, biko, lee ọta anyị.”
^ Na Hibru, “iguzo.”
