Abụ Ọma 82:1-8
Abụ Esaf.+
82 Chineke eguzorola n’etiti ndị bụ́ chi.+
Ọ na-ekpe ikpe n’etiti chi dị iche iche,* na-asị:+
2 “Olee mgbe unu ga-akwụsị ikpe ikpe na-ezighị ezi,+Kwụsịkwa ikpelara ndị ajọ omume ikpe?+ (Sila)
3 Kpechitenụ ọnụ onye ọ na-enweghị ka ọ hà ya na nwa na-enweghị nna.+
Kpeenụ ogbenye na onye na-enweghị onye na-enyere ya aka ikpe ziri ezi.+
4 Napụtanụ ogbenye na onye ọ na-enweghị ka ọ hà ya.
Zọpụtanụ ha n’aka ndị ajọ omume.”
5 Ha* amaghị ihe, ha anaghịkwa aghọta ihe.+
Ha na-ejegharị n’ọchịchịrị.
A naghị ekpe ikpe ziri ezi n’ụwa, e nweghịkwa ihe e ji iwu kpọrọ.*+
6 “M sịrị, ‘Unu bụ chi.*+
Unu niile bụ ụmụ Onye Kacha Elu.
7 Ma unu ga-anwụ otú ndị ọzọ si anwụ.+
Unu ga-adakwa otú ndị ọzọ bụ́ ndị isi si ada.’”+
8 Chineke, biko, bilie kpee ụwa ikpe,+N’ihi na ọ bụ gị nwe mba niile.
Ihe E Dere n'Ala Ala Peeji
^ Ma ọ bụ “ndị yiri chi.” Ọ ga-abụ ndị ikpe Izrel ka a na-ekwu maka ha.
^ Ya bụ, chi ndị ahụ e kwuru okwu ha n’amaokwu 1.
^ Na Hibru, “Ntọala niile nke ụwa na-ama jijiji.”
^ Ma ọ bụ “Unu dị ka chi.” Ọ ga-abụ ndị ikpe Izrel ka a na-ekwu maka ha.