Abụ Ọma 51:1-19
Maka onye na-eduzi abụ. Abụ Devid bụrụ mgbe Netan onye amụma gwachara ya okwu maka iko ya na Bat-shiba kwara.+
51 Chineke, biko, meere m amara n’ihi ịhụnanya gị.*+
Hichapụ mmehie m n’ihi na ebere gị dị ukwuu.+
2 Gbaghara m mmehie m,*+Sachapụkwa m mmehie m.+
3 N’ihi na m ma nke ọma na m mere mmehie,M na-echetakwa mmehie m mgbe niile.+
4 Ọ bụ gị ka m kacha mehie.+
M meela ihe dị njọ n’anya gị.+
N’ihi ya, ị bụ onye ezi omume ma i kwuo okwu,A gaghịkwa ata gị ụta mgbe ị na-ekpe ikpe.+
5 Lee, m bu mmehie pụta ụwa.
Abụ m onye mmehie malite mgbe nne m dị ime m.+
6 Ihe na-amasị gị bụ obi mmadụ ịdị ọcha.+
Kụziere m ihe, ka ihe m na-eche n’ime ime obi m gosi na m ma ihe.
7 Jiri ùkwù ahịhịa hisop sachapụ mmehie m ka m dị ọcha.+
Sachaa m, ka m dị ọcha karịa snoo.+
8 Mee ka m na-aṅụrị ọṅụ ma na-enwe obi ụtọ,Ka ọkpụkpụ m ndị i gwepịara wee ṅụrịa ọṅụ.+
9 Elezila mmehie m anya,+Hichapụkwa ihe ọjọọ niile m mere.+
10 Chineke, biko, mee ka m nwee obi dị ọcha,+Meekwa ka ọ na-agụ m agụụ ime ihe dị mma+ mgbe niile.
11 Achụpụla m n’ihu gị.
Anapụkwala m mmụọ nsọ gị.
12 Mee ka obi dịghachi m ụtọ otú ọ dị m mgbe ị zọpụtara m.+
Mee ka irubere gị isi na-agụ m agụụ.
13 M ga-akụziri ndị na-eme mmehie ụzọ gị,+Ka ndị mmehie wee lọghachikwute gị.
14 Chineke, bụ́ Chineke na-azọpụta m,+ biko, napụta m ka ikpe ọbara ghara ịma m,+Ka m* wee jiri ọṅụ na-akọsa ezi omume gị.+
15 Jehova, biko, meghee ọnụ m,Ka m wee jiri ya too gị.+
16 N’ihi na ọ bụghị àjà ka ị chọrọ. Ọ bụrụ ya ka ị chọrọ, m gaara achụrụ gị ya.+
Ọ bụghị àjà a na-esucha ọkụ na-amasị gị.+
17 Àjà Chineke na-anabata bụ ihe mmadụ mere iwute ya n’obi.
Chineke, ị gaghị eleghara onye obi gbawara anya nakwa onye ihe o mere na-ewute.+
18 Meere Zayọn ihe ọma.
Rụghachi mgbidi Jeruselem.
19 Mgbe ahụ, àjà ndị ezi omume na-achụ ga-amasị gị,Ma àjà dị iche iche a na-esu ọkụ ma àjà ndị a na-esucha ọkụ.
A ga-ejizi ọtụtụ oké ehi chụọ àjà n’ebe ịchụàjà gị.+
Ihe E Dere n'Ala Ala Peeji
^ Ma ọ bụ “ịhụnanya gị pụrụ iche.”
^ Na Hibru, “Sachapụ m mmehie m nke ọma.”
^ Na Hibru, “ire m.”
