Abụ Ọma 42:1-11

  • A ga-eto Chineke, Onye Nzọpụta kachanụ

    • Agụụ ife Chineke na-agụ ya otú agụụ mmiri si agụ mgbada (1, 2)

    • “Gịnị mere m ji daa mbà?” (5, 11)

    • “M ga-echere Chineke” (5, 11)

Maka onye na-eduzi abụ. Maskil* nke ụmụ Kora.+ 42  Chineke, agụụ ife gị na-agụsi m ike*Otú agụụ mmiri si agụsi mgbada ike.   Agụụ ife Chineke, bụ́ Chineke dị ndụ, na-agụsi m* ike otú mmiri si agụsi mmadụ ike.+ Olee mgbe m ga-abịa n’ihu Chineke?+   Anaghị m eri nri, naanị ákwá ka m na-ebe ehihie na abalị. Malite n’ụtụtụ ruo n’abalị, ndị mmadụ na-akparị m, na-asị: “Olee ebe Chineke gị nọ?”+   M cheta ihe ndị a, ọ na-eme ka m gwa gị ihe niile dị m n’obi,N’ihi na e nwere mgbe m na-eso ìgwè mmadụ aga. M na-akwụ ha n’ihu, anyị ejiri nwayọọ nwayọọ na-aga n’ụlọ Chineke. Anyị na-eti mkpu ọṅụ ka anyị na-aga, na-abụkwa abụ ekeleKa ìgwè mmadụ ndị na-eme ememme.+   Gịnị mere m* ji daa mbà?+ Gịnị mere na obi anaghị ezu m ike? M ga-echere Chineke,+N’ihi na m ka ga-eto ya ebe ọ bụ Onye Nzọpụta m kachanụ.+   Chineke m, adaala m mbà.*+ Ọ bụ ya mere m ji nọrọ+N’ala Osimiri Jọdan nakwa n’elu elu ugwu HemọnNakwa n’Ugwu Miza* na-echeta gị.   Oké osimiri na-akpọ oké osimiri òkùMgbe mmiri gị nke na-asọda asọda na-eme mkpọtụ. Nsogbu ezuola m ahụ́ ka onye oké ebili mmiri gị niile rikpuru.+   N’ehihie, Jehova ga-egosi na ọ hụrụ m n’anya. N’abalị, m ga-abụ abụ too ya, wee gwa Chineke nyere m ndụ okwu n’ekpere.+   M ga-ajụ Chineke, bụ́ nkume m dị elu, sị: “Gịnị mere i ji chefuo m?+ Gịnị mere m ga-eji na-ejegharị na-eru uju n’ihi otú ndị iro m si na-emegbu m?”+ 10  Ndị iro m bu iwe na ọnụma n’obi na-akparị m.* Ha na-akparị m mgbe niile, na-asị: “Olee ebe Chineke gị nọ?”+ 11  Gịnị mere m* ji daa mbà? Gịnị mere na obi anaghị ezu m ike? M ga-echere Chineke,+N’ihi na m ka ga-eto ya ebe ọ bụ Onye Nzọpụta m kachanụ na Chineke m.+

Ihe E Dere n'Ala Ala Peeji

Na Hibru, “agụụ gị na-agụsi mkpụrụ obi m ike.”
Ma ọ bụ “mkpụrụ obi m.”
Ma ọ bụ “mkpụrụ obi m.”
Ma ọ bụ “mkpụrụ obi m adaala mbà.”
Ma ọ bụ “n’ugwu nta.”
O nwere ike ịbụ, “Mkparị ndị iro m na-akparị m dị ka à ga-asị na ha na-egweri ọkpụkpụ m.”
Ma ọ bụ “mkpụrụ obi m.”