Abụ Ọma 30:1-12

  • A kwụsịrị ibe ákwá, ṅụrịwa ọṅụ

    • Chineke na-emere mmadụ amara n’oge niile onye ahụ dị ndụ (5)

Abụ ọma. Abụ Devid. Abụ e ji nyefee ụlọ ya.* 30  Jehova, m ga-eto gị, n’ihi na ị dọpụtala m. I kweghị ka ndị iro m ṅụrịa ọṅụ n’ihi ihe mere m.+   Jehova Chineke m, m besaara gị ákwá ka i nyere m aka, i wee gwọọ m.+   Jehova, i sila n’ili* dọpụta m.*+ I dowere m ndụ. I mere ka m ghara imikpu n’olulu.*+   Unu ndị na-erubere Jehova isi,+ bụkuonụ ya abụ. Toonụ aha nsọ ya.*+   N’ihi na ọ bụ obere oge ka ọ na-ewesa mmadụ iwe,+Ma ọ na-emere mmadụ amara* n’oge niile onye ahụ dị ndụ.+ Mmadụ nwere ike ibe ákwá ná mgbede, ma e ruo n’ụtụtụ, ya etie mkpu ọṅụ.+   Mgbe obi ruru m ala, m sịrị: “E nweghị ihe ga-eme ka m daa.”*   Jehova, mgbe ị na-emere m amara,* i mere ka m sie ike ka ugwu.+ Ma mgbe i zooro m ihu gị, ụjọ jidere m.+   Jehova, ọ bụ gị ka m nọ na-akpọku.+ Ọ bụkwa gị, Jehova, ka m nọ na-arịọ ka i meere m amara.   Ọ bụrụ na m nwụọ, olee uru ọ bara? Olee uru ọ ga-aba ma m gbadaa n’olulu?*+ Ájá ọ̀ ga-eto gị?+ Ọ̀ ga-ekwu na ị bụ onye e kwesịrị ịtụkwasị obi?+ 10  Jehova, biko, gee ntị ma meere m amara.+ Jehova, biko nyere m aka.+ 11  I meela ka m kwụsị iru uju gbawazie egwú. I yipụla m ákwà iru uju m yi ma yiwe m ọṅụ ka uwe, 12  Ka m* wee bụkuo gị abụ otuto, ghara ịgba nkịtị. Jehova Chineke m, m ga-eto gị ruo mgbe ebighị ebi.

Ihe E Dere n'Ala Ala Peeji

O nwere ike ịbụ, “ụlọ nsọ.” Na Hibru, “ụlọ ahụ.”
Ma ọ bụ “na Shiol.” Gụọ Nkọwa Okwu.
Ma ọ bụ “mkpụrụ obi m.”
Ma ọ bụ “n’ili.”
Na Hibru, “ihe dị nsọ e ji echeta ya.”
Ma ọ bụ “ihe ọma.”
Ma ọ bụ “ka m zọhie ụkwụ.”
Ma ọ bụ “ihe ọma.”
Ma ọ bụ “n’ili.”
Ma ọ bụ “Ka ebube m.”