Abụ Ọma 29:1-11

  • Olu Jehova dị ike

    • Yiri ọmarịcha uwe dị nsọ fee Chineke (2)

    • ‘Olu Chineke na-ada ka égbè eluigwe’ (3)

    • Jehova na-enye ndị ya ume (11)

Abụ Devid. 29  Unu ụmụ ndị dike, toonụ Jehova,Toonụ Jehova n’ihi na ọ dị ebube, dịkwa ike.+   Toonụ Jehova n’ihi na e kwesịrị ito aha ya. Yirinụ ọmarịcha uwe dị nsọ kpọọrọ Jehova isiala.*   A na-anụ ụda olu Jehova n’elu ígwé ojii.* Olu Chineke, onye dị ebube, na-ada ka égbè eluigwe.+ Jehova nọ n’elu ígwé ojii.*+   Olu Jehova dị ike.+ Olu Jehova dị ebube.   Olu Jehova na-agbaji osisi sida. N’eziokwu, Jehova na-agbajisị osisi sida ndị dị na Lebanọn.+   Ọ na-eme ka Lebanọn* na-awụgharị ka nwa ehi,Na-emekwa ka Siriọn+ na-awụgharị ka nwa atụ́.   Olu Jehova na-eme ka àmụ̀mà gbuo.+   Olu Jehova na-eme ka ala ịkpa maa jijiji.+ Jehova na-eme ka ala ịkpa Kedesh+ maa jijiji.   Olu Jehova na-eme ka nne mgbada maa jijiji wee mụọ nwa,Ọ na-emekwa ka oké ọhịa tọgbọrọ chakoo.+ Ndị niile nọ n’ụlọ nsọ ya na-asị: “Toonụ Chineke!” 10  Jehova nọ n’ocheeze ya nke dị n’elu ọtụtụ mmiri.*+ Jehova nọ n’ocheeze ya. Ọ bụ Eze ruo mgbe ebighị ebi.+ 11  Jehova ga-enye ndị ya ume.+ Jehova ga-agọzi ndị ya, mee ka ha nọrọ n’udo.+

Ihe E Dere n'Ala Ala Peeji

O nwere ike ịbụ, “Feenụ Jehova n’ihi na ọ dị ebube, dịkwa nsọ.”
Na Hibru, “mmiri dị iche iche.”
Na Hibru, “mmiri dị iche iche.”
O nwere ike ịbụ ugwu ndị dị na Lebanọn ka a na-ekwu.
Ma ọ bụ “oké osimiri dị n’eluigwe.”