Abụ Ọma 149:1-9
149 Toonụ Jaa!*
Bụkuonụ Jehova abụ ọhụrụ.+
Toonụ ya n’ọgbakọ ndị na-erubere ya isi.+
2 Ka Izrel ṅụrịa ọṅụ n’ihi Onye Ukwu kere ya.+
Ka ụmụ Zayọn ṅụrịa ọṅụ n’ihi Eze ha.
3 Ka ha gbaa egwú wee too aha ya+Ma jiri obere ịgbà na ụbọ akwara bụkuo ya abụ otuto.+
4 N’ihi na Jehova hụrụ ndị ya n’anya.+
Ọ na-azọpụta ndị dị umeala n’obi.+
5 Ka ndị na-erubere Chineke isi ṅụrịa ọṅụ n’ihi na ọ na-akwanyere ha ùgwù.
Ka ha nọrọ n’àkwà* ha tie mkpu ọṅụ.+
6 Ka ha jiri ọnụ ha na-abụku Chineke abụ otuto,Ka ha jidekwa mma agha nwere ihu abụọ n’aka,
7 Ka ha wee bọọ ọbọ n’isi mba dị iche icheMa taa mba dị iche iche ahụhụ,
8 Ka ha kee ndị eze ha agbụ ígwèMa tụọ ndị a ma ama n’obodo ha ịga n’ụkwụ,
9 Ka ha wee mee ha ihe e dere ede nke e kpebiri na a ga-eme ha.+
Ọ bụ ndị niile na-erubere ya isi ka a ga-akwanyere ụdị ùgwù a.
Toonụ Jaa!*
