Abụ Ọma 143:1-12

  • Ọbụ abụ cheere Chineke otú ala si echere mmiri

    • ‘M na-echebara ọrụ gị echiche’ (5)

    • “Kụziere m otú m ga-esi na-eme uche gị” (10)

    • ‘Mmụọ nsọ gị dị mma, ka ọ na-edu m’ (10)

Abụ Devid. 143  Jehova, biko, nụrụ ekpere m.+ Ṅaa ntị n’arịrịọ m na-arịọ ka i nyere m aka. Za m n’ihi na ị bụ onye ezi omume na onye e kwesịrị ịtụkwasị obi.   Ekpela ohu gị ikpe,N’ihi na e nweghị onye dị ndụ ikpe na-agaghị ama n’ihu gị.+   N’ihi na onye iro na-achụ m ọsọ. Ọ zọpịala m, zọba m n’ime ala. O meela ka m biri n’ebe gbara ọchịchịrị ka ndị nwụrụ anwụ kemgbe.   Ike na-agwụ m.+ Obi adaala m mbà.+   Echetala m oge dị anya gara aga. M na-atụgharị uche n’ọrụ gị niile.+ M ji obi m niile na-echebara ọrụ aka gị echiche.*   M gbasapụụrụ gị aka m na-ekpe ekpere. M na-echere gị otú ala kpọrọ nkụ si eche ka mmiri zoo.+ (Sila)   Jehova, biko, za m ngwa ngwa.+ Ike agwụchaala m.+ Ezorola m ihu gị+Ka m ghara ịdị ka ndị na-agbada n’olulu.*+   Mee ka m nụ banyere ịhụnanya gị n’ụtụtụ,N’ihi na m tụkwasịrị gị obi. Mee ka m mara ụzọ m kwesịrị ịna-eso,+N’ihi na ọ bụ gị ka m lekwasịrị anya.   Jehova, biko, napụta m n’aka ndị iro m. M gbakwutere gị ka i chebe m.+ 10  Kụziere m otú m ga-esi na-eme uche gị,+N’ihi na ị bụ Chineke m. Mmụọ nsọ gị dị mma. Ka ọ na-edu m n’ebe a na-enweghị ihe ọjọọ ga-eme m.* 11  Jehova, biko, dowe m ndụ n’ihi aha gị. Napụta m* n’ahụhụ m na-ata n’ihi na ị bụ onye ezi omume.+ 12  Bibie ndị iro m n’ihi ịhụnanya gị.*+ Bibie ndị niile na-achọ m okwu,+N’ihi na abụ m ohu gị.+

Ihe E Dere n'Ala Ala Peeji

Ma ọ bụ “na-amụ banyere ọrụ aka gị.”
Ma ọ bụ “n’ili.”
Ma ọ bụ “na-edu m n’ala ezi omume.”
Ma ọ bụ “mkpụrụ obi m.”
Ma ọ bụ “ịhụnanya gị pụrụ iche.”