Abụ Ọma 14:1-7

  • Ndụ onye nzuzu

    • “Jehova adịghị” (1)

    • “E nweghị onye na-eme ihe dị mma” (3)

Maka onye na-eduzi abụ. Abụ ọma Devid. 14  Ndị nzuzu* na-asị n’obi ha: “Jehova adịghị.”+ Ha na-eme omume rụrụ arụ, na-emekwa ihe ọjọọ dị iche iche. E nweghị onye na-eme ihe dị mma.+   Ma Jehova si n’eluigwe na-ele ndị mmadụ anyaKa ọ hụ ma è nwere onye na-aghọta ihe, ma è nwere onye na-achọ Jehova.+   Ha niile akwụsịla ime ihe dị mma.+ Ha niile rụrụ arụ. E nweghị onye na-eme ihe dị mma,E nweghịdị otu onye.   Ọ̀ bụ na e nweghị onye na-aghọta ihe n’ime ndị na-eme ihe ọjọọ? Ha na-eri ndị m ka à ga-asị na ha na-eri nri.* Ha anaghị efe Jehova.   Ma oké ụjọ ga-ejide ha+N’ihi na Jehova nọnyeere ìgwè* ndị ezi omume.   Unu ndị ajọ omume na-agbalị ka unu mebie atụmatụ nke onye ọ na-enweghị ka ọ hà ya,Ma Jehova bụ ebe mgbaba ya.+   Ọ dị m ka ya bụrụ na a ga-esi na Zayọn zọpụta ndị Izrel.+ Ka Jekọb ṅụrịa ọṅụ, ka ndị Izrel nweekwa obi ụtọ Mgbe Jehova ga-akpọlata ndị ya a dọọrọ n’agha.

Ihe E Dere n'Ala Ala Peeji

Ma ọ bụ “Ndị na-enweghị uche.”
Na Hibru, “achịcha.”
Na Hibru, “ọgbọ.”