Abụ Ọma 12:1-8
-
Jehova na-ebili kpaa ike
-
Okwu Chineke enweghị ntụpọ (6)
-
Ntụziaka e nyere onye na-eduzi abụ. E ji ụda Sheminit* kpọọ ya. Abụ Devid.
12 Jehova, biko zọpụta m, n’ihi na ndị na-eme ezi omume agwụla.
Ndị a tụkwasịrị obi anọghịzi.
2 Ndị mmadụ na-agwa ibe ha okwu ụgha.
Ha na-eto ndị ọzọ otuto elu ọnụ, na-eduhiekwa ha.+
3 Jehova ga-ebepụ ọnụ* ndị niile na-eto ndị ọzọ otuto elu ọnụNakwa ire ndị na-etu ọnụ,+
4 Ndị na-asị: “Anyị ga-eji ire anyị merie.
Anyị ga-eji ọnụ* anyị na-ekwu ihe masịrị anyị.
Ònye ga-abụ nna anyị ukwu?”+
5 Jehova kwuru, sị: “Ebe ọ bụ na a na-emegbu ndị na-ata ahụhụ,Ebe ọ bụ na ndị ogbenye na-asụ ude,+M ga-ebili kpaa ike.
M ga-azọpụta ha n’aka ndị na-ejighị ha kpọrọ ihe.”
6 Okwu Jehova enweghị ntụpọ.+
Ha dị ka ọlaọcha a nụchara anụcha, nke a nụchara ugboro asaa n’ekwú e ji ụrọ kpụọ.
7 Jehova, ị ga-echebe ha.+
Ị ga-echebe onye ọ bụla n’ime ha n’aka ọgbọ a ruo mgbe ebighị ebi.
8 Ndị ajọ omume na-akpagharị n’enweghị onye na-egbochi haMaka na ndị mmadụ na-akwado ihe ọjọọ.+
Ihe E Dere n'Ala Ala Peeji
^ Gụọ Nkọwa Okwu.
^ Na Hibru, “egbugbere ọnụ.”
^ Na Hibru, “egbugbere ọnụ.”
