Abụ Ọma 115:1-18
115 Jehova, ọ bụghị anyị ka e kwesịrị ito, ọ bụghị anyị,*Kama ọ bụ aha gị ka e kwesịrị ịna-eto+N’ihi ịhụnanya gị* nakwa n’ihi na ị bụ onye e kwesịrị ịtụkwasị obi.+
2 Gịnị mere ị ga-eji kwe ka mba dị iche iche sị:
“Olee ebe Chineke ha nọ?”+
3 Chineke anyị nọ n’eluigwe.
Ọ na-eme ihe ọ bụla dị ya mma.
4 E ji ọlaọcha na ọlaedo kpụọ arụsị ha na-efe.
Ọ bụ mmadụ kpụrụ ha.+
5 Ha nwere ọnụ, ma ha anaghị ekwu okwu.+
Ha nwere anya, ma ha anaghị ahụ ụzọ.
6 Ha nwere ntị, ma ha anaghị anụ ihe.
Ha nwere imi, ma ha anaghị anụ ísì.
7 Ha nwere aka, ma ha anaghị emetụ ihe aka.
Ha nwere ụkwụ, ma ha anaghị aga ije.+
Ha anaghị eji akpịrị ha eme mkpọtụ ọ bụla.+
8 Ndị na-akpụ ha ga-adị nnọọ ka ha,+Ndị niile tụkwasịrị ha obi ga-adịkwa ka ha.+
9 Unu ndị Izrel, tụkwasịnụ Jehova obi.+
Ọ bụ ya na-enyere unu aka, bụrụkwa ọta unu.+
10 Ezinụlọ Erọn,+ tụkwasịnụ Jehova obi.
Ọ bụ ya na-enyere unu aka, bụrụkwa ọta unu.
11 Unu ndị na-atụ egwu Jehova, tụkwasịnụ Jehova obi.+
Ọ bụ ya na-enyere unu aka, bụrụkwa ọta unu.+
12 Jehova na-echeta anyị, ọ ga-agọzikwa anyị.
Ọ ga-agọzi ezinụlọ Izrel.+
Ọ ga-agọzi ezinụlọ Erọn.
13 Ọ ga-agọzi ndị na-atụ egwu Jehova,Ma ndị ukwu ma ndị nta.
14 Jehova ga-eme ka unu dị ọtụtụ,Ma unu ma ụmụ unu.+
15 Ka Jehova, Onye kere eluigwe na ụwa,Gọzie unu.+
16 Ọ bụ Jehova nwe eluigwe,+Ma, o nyere ndị mmadụ ụwa.+
17 Ndị nwụrụ anwụ anaghị eto Jaa.+
Onye ọ bụla nke na-agbada n’ili* anaghịkwa eto ya.+
18 Ma anyị ga na-eto JaaMalite ugbu a ruo mgbe ebighị ebi.
Toonụ Jaa!*
