Abụ Ọma 108:1-13
Abụ Devid. Abụ ọma.
108 Chineke, obi siri m ike.
M ga-eji obi m niile kpọọrọ gị egwú, bụọkwara gị abụ otuto.+
2 Ụbọ akwara, teta. Tetakwa, gị une.+
M ga-ebili n’isi ụtụtụ.
3 Jehova, m ga-anọ n’ihu ndị obodo dị iche iche too gị.
M ga-abụku gị abụ otuto ná mba dị iche iche.
4 N’ihi na ịhụnanya gị* dị ukwuu nke na ọ na-eru n’eluigwe,+Ị bụkwa onye e kwesịrị ịtụkwasị obi mgbe niile.*
5 Chineke, ka a jaa gị mma n’eluigwe.
Ka e too gị n’ụwa niile.+
6 Biko, jiri ike* gị zọpụta anyị ma za anyị,*Ka e wee napụta ndị ị hụrụ n’anya.+
7 Chineke, Onye dị nsọ, ekwuola,* sị:
“M ga-aṅụrị ọṅụ. M ga-ewere Shikem+ nye ndị m chọrọ ka ọ bụrụ ihe ha ketara.
M ga-atụkwa Ndagwurugwu Sọkọt+ atụ̀ nye ndị m chọrọ.
8 Ọ bụ m nwe Gilied,+ ọ bụkwa m nwe Manase.
Ifrem bụ okpu m na-ekpu n’isi.+
Juda bụ mkpara na-egosi ikike m nwere.+
9 Moab bụ efere m ji asa ihe.+
M ga-atụba akpụkpọ ụkwụ m n’Ịdọm.+
M ga-eti mkpu ọṅụ maka na m ga-emeri Filistia.”+
10 Ònye ga-eduru m gaa n’obodo a rụsiri ike?
Ònye ga-edu m ruo n’Ịdọm?+
11 Chineke, ọ́ bụghị gị, onye jụrụ anyị,Chineke anyị, onye na-anaghịzi anọnyere ndị agha anyị ma ha gaa agha?+
12 Napụta anyị n’ahụhụ anyị na-ata,+N’ihi na mmadụ ịzọpụta anyị abaghị uru.+
13 Ọ bụ Chineke ga-enye anyị ike,+Ọ ga-azọpịakwa ndị iro anyị.+
