Abụ Ọma 10:1-18
ל [Lamed]
10 Jehova, gịnị mere i ji guzoro n’ebe dị anya?
Gịnị mere i ji zoo n’oge m na-ata ahụhụ?+
2 Mpako na-eme ka onye ajọ omume na-achụ onye na-enweghị onye na-enyere ya aka,+Ma nkata ọjọọ ọ na-akpa ga-ekpudo ya.+
3 N’ihi na onye ajọ omume na-eji ihe ndị na-agụ ya* agụụ etu ọnụ,+Ọ na-agọzikwa onye anyaukwu.*
נ [Nun]Ọ na-elelị Jehova anya.
4 Mpako na-eme ka onye ajọ omume ghara ime nchọpụta.
Naanị ihe ọ na-eche n’obi ya bụ na Chineke adịghị.+
5 Ihe na-agaziri ya,+Ma, o nweghị ike ịghọta iwu gị.+
Ọ na-achị ndị iro ya niile ọchị.
6 Ọ na-ekwu n’obi ya, sị: “E nweghị ihe ga-eme ka m daa.*
Ọdachi agaghị adakwasị m+Malite n’ọgbọ ruo n’ọgbọ.”
פ [Pee]
7 Ọ na-abụ ndị mmadụ ọnụ mgbe niile, na-agha ụgha, na-eyikwa ndị mmadụ egwu.+
Ọ na-eji ire ya akpata nsogbu, jirikwa ya na-ekwu okwu ọjọọ.+
8 Ọ na-ezo n’ebe dị nso n’obodo chechie ndị mmadụ.
Ọ na-esi n’ebe o zoro pụta gbuo onye aka ya dị ọcha.+
ע [Ayin]
Ọ na-achagharị anya, na-achọ onye ga-adaba n’aka ya.+
9 Ọ na-echere n’ebe o zoro ka ọdụm nọ n’ọgba ya.*+
Ọ na-echere ka o jide onye na-enweghị onye na-enyere ya aka.
Ọ na-esechi ụgbụ ya, onye na-enweghị onye na-enyere ya aka atọ n’ime ya.+
10 Ọ na-echi onye o jidere ọnụ n’ala ma kwatuo ya.
Ndị ọ na-enweghị ka ọ hà ha na-adaba n’aka ya.
11 Ọ na-asị n’obi ya: “Chineke echefuola.+
O wepụla ihu ya.
Ọ naghị ahụ ihe na-eme.”+
ק [Kof]
12 Jehova, biko, bilie.+ Chineke, biko, kpaa ike.*+
Echefula ndị na-enweghị onye na-enyere ha aka.+
13 Gịnị mere onye ajọ omume ji lelịa Chineke?
Ọ na-asị n’obi ya: “Ị gaghị asị m zaa ajụjụ ihe m mere.”
ר [Resh]
14 Ma ị na-ahụ ndị ahụ na-akpata nsogbu na ahụhụ.
Ị na-ele anya hụ ha ma lebara ha anya.+
Onye dabara n’aka ha na-arịọ gị ka i nyere ya aka.+
Ọ bụ gị na-enyere nwa na-enweghị nna* aka.+
ש [Shin]
15 Napụ onye ajọ omume ike,*+Ka ọ ga-abụ ị chọọ ihe ọjọọ ọ na-eme,Ị gaghịzi ahụ ya.
16 Jehova bụ Eze ruo mgbe niile ebighị ebi.+
E bibiela mba dị iche iche, e wepụkwala ha n’ụwa.+
ת [Tọọ]
17 Ma Jehova, ị ga-anụ arịrịọ ndị dị umeala n’obi na-arịọ gị.+
Ị ga-eme ka obi sie ha ike+ ma gee ha ntị.+
18 Ị ga-ekpere ụmụ na-enweghị nna na ndị a na-emegbu emegbu ikpe ziri ezi,+Ka mmadụ efu ọ bụla nọ n’ụwa wee ghara ime ka ha tụọ egwu ọzọ.+
Ihe E Dere n'Ala Ala Peeji
^ Ma ọ bụ “mkpụrụ obi ya.”
^ O nwere ike ịbụ, “Onye anyaukwu na-agọzi onwe ya.”
^ Ma ọ bụ “ka m zọhie ụkwụ.”
^ Ma ọ bụ “n’ọhịa.”
^ Na Hibru, “welie aka gị.”
^ Ma ọ bụ “nwa na-enweghị nne na nna.”
^ Na Hibru, “Gbajie aka onye ajo omume.”
