Aịzaya 60:1-22
60 “Jeruselem,* bilie,+ mee ka ìhè nwuo, n’ihi na i nweela ìhè.
Ebube Jehova na-enwu ka ìhè n’ahụ́ gị.+
2 Ọchịchịrị ga-ekpuchi ụwa.
Oké ọchịchịrị ga-ekpuchikwa mba dị iche iche.
Ma, Jehova ga-eme ka ìhè na-enwuru gị,Meekwa ka a hụ ebube ya n’ahụ́ gị.
3 Mba dị iche iche ga-aga ebe ìhè gị na-enwu.+
Ndị eze+ ga-agakwa ebe ìhè gị dị ebube na-enwu.+
4 Legharịa anya gburugburu gị.
A kpọkọtala ha niile, ha ana-abịakwute gị.
Ụmụ gị ndị nwoke si ebe dị anya na-abịa,+E kukwa ụmụ gị ndị nwaanyị n’akụkụ na-abịa.+
5 N’oge ahụ, ị ga-ahụ ihe a, ihu gị ga na-egbukekwa egbuke.+
Obi ga-atọ gị ụtọ, aṅụrị eju gị obi,N’ihi na akụ̀ dị n’oké osimiri ga-abịara gị.
Akụ̀ mba dị iche iche ga-abịara gị.+
6 Ìgwè kamel ga-eju ebe niile n’ala gị,Ya bụ, kamel ndị si Midian na Ifa.+
Ndị niile si Shiba ga-abịa.
Ha ga-ebu ọlaedo na frankinsens bịa.
Ha ga-eto Jehova n’ihu ọha.+
7 A ga-achịkọta ìgwè atụrụ niile dị na Kida,+ kpụtara gị ha.
Ebule ndị si Nebeyọt+ ga na-ejere gị ozi.
Ha ga-abịa n’elu ebe ịchụàjà m. A ga-anabatakwa ha.+
M ga-achọkwa ụlọ m dị ebube* mma.+
8 Ole ndị bụ ndị a feere na-abịa ka ígwé ojii,Ka nduru ndị feere na-aga n’akwụ́ ha?*
9 Agwaetiti niile ga-eji m nwee olileanya.+
Ụgbọ mmiri ndị na-aga Tashish ga-anọ n’ihuMa e bulatawa ma ụmụ gị ndị nọ ebe dị anya+Ma ọlaọcha ha ma ọlaedo ha,N’ihi aha Jehova bụ́ Chineke gị na Onye Nsọ Izrel,Chineke ga-eme ka ị dị ebube.*+
10 Ndị mba ọzọ ga-arụ mgbidi gị.
Ndị eze ha ga na-ejekwara gị ozi.+
M ji iwe tie gị ihe.
Ma, m ga-emere gị ebere n’ihi amara m.+
11 A ga-eghewe ọnụ ụzọ ámá gị niile oghe mgbe niile.+
A gaghị emechi ha emechi, ma n’ehihie ma n’abalị,Ka e wee na-ebutere gị akụ̀ mba dị iche iche,Ndị eze ha ga-ebutekwa ụzọ.+
12 Mba ọ bụla na alaeze ọ bụla na-agaghị ejere gị ozi ga-ala n’iyi.
A ga-alakwa mba ndị ahụ n’iyi kpamkpam.+
13 A ga-ebutere gị ihe ndị mere ka Lebanọn dị ebube,+Ya bụ, osisi junipa, osisi ash, na osisi saịpres. A ga-ebutere gị ha otu mgbe+Ka e jiri ha chọọ ụlọ nsọ m mma.
M ga-emekwa ka ebe m gbakwasịrị ụkwụ dị ebube.+
14 Ụmụ ndị na-emekpa gị ahụ́ ga-abịakwute gị, kpọọrọ gị isiala.
Ndị niile na-elelị gị ga-ehulata ala n’ọbụ ụkwụ gị.
Ha ga-akpọkwa gị obodo Jehova,Zayọn nke Onye Nsọ Izrel.+
15 Ọ bụ eziokwu na m hapụrụ gị, ndị mmadụ akpọọ gị asị, e nweghịkwa onye na-esi na gị agafe,+Ma, m ga-eme ka ị bụrụ ihe e ji anya isi ruo mgbe ebighị ebi,Meekwa ka ị bụrụ ihe e ji maka ya aṅụrị ọṅụ n’ọgbọ niile.+
16 Ị ga-aṅụ ara mba dị iche iche.+
Ị ga-aṅụkwa ara ndị eze.+
Ị ga-ama na mụnwa, bụ́ Jehova, bụ Onye Nzọpụta gị,Nakwa na Dike na-enyere Jekọb aka bụ Onye Mgbapụta gị.+
17 M ga-eweta ọlaedo jiri ya dochie ọla kọpa.
M ga-ewetakwa ọlaọcha jiri ya dochie ígwè.
M ga-eji ọla kọpa dochie osisi,Jirikwa ígwè dochie nkume.
M ga-eme ka udo bụrụ onye nlekọta gị,Meekwa ka ezi omume bụrụ onye na-ekenye gị ọrụ.+
18 A gaghịzi anụ gbasara tigbuo zọgbuo n’ala gị.
E nweghịzikwa ebe a ga-anụ gbasara imebisị ihe ndị mmadụ na ibibi ihe ndị mmadụ n’ala gị.+
Ị ga-akpọ mgbidi gị Nzọpụta,+ kpọọkwa ọnụ ụzọ ámá gị Otuto.
19 N’ihi na anyanwụ agaghịzi abụrụ gị ìhè n’ehihie.
Ọnwa na-eti gbaa agaghịkwa enye gị ìhè n’abalị.
Jehova ga-aghọrọ gị ìhè na-adịru mgbe ebighị ebi.+
Chineke gị ga-achọkwa gị mma.+
20 Anyanwụ gị agaghịzi ada ada.
Ọnwa gị agaghịzi ala ala,N’ihi na Jehova ga-aghọrọ gị ìhè na-adịru mgbe ebighị ebi.+
Ị ga-akwụsịkwa iru uju.+
21 Ndị gị niile ga-abụ ndị ezi omume.
Ha ga-enweta ala a ruo mgbe ebighị ebi.
Ha bụ ome mkpụrụ m kụrụ,Ihe m ji aka m kụọ+ ka e jiri maka ya na-eto m.+
22 Onye dị ntakịrị ga-aghọ otu puku mmadụ.
Onye dị obere ga-aghọkwa mba dị ike.
Mụnwa, bụ́ Jehova, ga-eme ka o mezuo ọsọ ọsọ n’oge ya.”
