Aịzaya 55:1-13
55 Ndị niile akpịrị na-akpọ nkụ,+ bịanụ ṅụọ mmiri.+
Ndị na-enweghị ego, bịanụ zụrụ ihe rie,Bịakwanụ zụrụ mmanya na mmiri ara ehi+ n’ejighị ego, n’akwụghịkwa ụgwọ.+
2 Gịnị mere unu ji na-emefu ego maka ihe na-abụghị nri?
Gịnịkwa mere unu ji jiri ego unu kpatara* na-azụ ihe na-agaghị eju unu afọ?
Geenụ m ntị nke ọma ma rie ihe dị mma.+
Mgbe ahụ ka nri na-edozi ahụ́ ga-atọ unu* ezigbo ụtọ.+
3 Tọọnụ ntị n’ala bịakwute m.+
Unu* ga-adị ndụ ma unu gee ntị.
Mụ na unu ga-agbakwa ndụ ga-adịru mgbe ebighị ebi+Otú ahụ m kwere Devid nkwa na m gaghị akwụsị ịhụ ya n’anya.* E kwesịrị ịtụkwasị m obi na m ga-emezu nkwa a.+
4 Ahọpụtala m ya ka ọ na-agbara mba niile àmà,+Ka ọ bụrụkwa onye ga na-edu+ mba niile na onye ga na-achị+ ha.
5 Ị ga-akpọ mba ị na-amaghị.
Ndị sikwa ná mba na-amaghị gị ga-agbakwute gịN’ihi Jehova Chineke gị,+ bụ́ Onye Nsọ Izrel.
Ha ga-agbakwute gị maka na Chineke ga-eme ka ị dị ebube.+
6 Chọọnụ Jehova ugbu a unu ga-achọtali ya.+
Kpọkuonụ ya ugbu a ọ nọ nso.+
7 Ka onye ajọ omume hapụ ụzọ ọjọọ ọ na-eso.+
Ka onye ọjọọ kwụsị iche echiche ọjọọ.
Ya lọghachikwute Jehova, onye ga-emere ya ebere.+
Ya lọghachikwute Chineke anyị, n’ihi na ọ ga-agbaghara ya mmehie ya kpamkpam.+
8 Jehova kwuru, sị: “Otú m si eche echiche dị iche n’otú unu si eche echiche,+Ụzọ m dịkwa iche n’ụzọ unu.
9 N’ihi na dị ka eluigwe dị elu karịa ụwa,Otú ahụ ka ụzọ m dị elu karịa ụzọ unu,Otú ahụkwa ka otú m si eche echiche si karịa otú unu si eche echiche.+
10 N’ihi na dị ka mmiri si esi n’eluigwe ezo, snoo esikwa n’eluigwe daa,Ma, ha anaghị alaghachi ebe ahụ ruo mgbe ha dere ala, mee ka ihe a kụrụ na ya puo, meekwa ka ọ mịa mkpụrụ,Onye chọrọ ịgha mkpụrụ enwee mkpụrụ ọ ga-agha, onye chọrọ iri ihe enweekwa ihe ọ ga-eri,
11 Otú ahụ ka okwu si m n’ọnụ pụta ga-adị.+
Ọ gaghị agba aka lọghachikwute m,+Kama, ihe masịrị m* ga-emerịrị.+
Ihe m kwuru ga-emezurịrị otú ahụ m si kwuo ya.
12 Unu ga-eji ọṅụ pụta.+
A ga-akpọlata unu n’udo.+
Ugwu ukwu na ugwu nta ga-eti mkpu ọṅụ ma unu lọta.+
Osisi niile dị n’ọhịa ga-akụkwa aka.+
13 Osisi junipa ga-anọchi osisi ogwu.+
Osisi metụl ga-anọchikwa ahịhịa akụwa.
Ọ ga-aghọ ihe ga-eme ka aha Jehova na-ede ude.+
Ọ ga-abụkwa ihe àmà ga-adịru mgbe ebighị ebi, nke na-agaghị ala n’iyi.”
Ihe E Dere n'Ala Ala Peeji
^ Ma ọ bụ “ego unu tara ahụhụ kpata.”
^ Ma ọ bụ “mkpụrụ obi unu.”
^ Ma ọ bụ “Mkpụrụ obi unu.”
^ Ma ọ bụ “akwụsị igosi ya ịhụnanya pụrụ iche.”
^ Ma ọ bụ “ihe bụ́ uche m.”
