Abụ Ọma 84:1-12
Ntụziaka e nyere onye nduzi nke Gitit.+ Abụ ọma ụmụ Kora. Abụ olu ụtọ.
84 Jehova nke ụsụụ ndị agha,+Lee ka m si hụ ụlọikwuu gị dị ebube n’anya!+
2 Agụụ ogige ụlọ Jehova agụkatala mkpụrụ obi m ike gwụ ya.+Mkpụrụ obi m na anụ ahụ́ m na-etiku Chineke dị ndụ mkpu ọṅụ.+
3 Jehova nke ụsụụ ndị agha, Eze m na Chineke m,Ọbụna nnụnụ enwetawo ebe obibi,Elekentịọba kpakwara akwụ́,Ná nnukwu ebe ịchụàjà gị, bụ́ ebe o debeworo ụmụ ya!
4 Obi ụtọ na-adịrị ndị bi n’ụlọ gị!+Ha ka na-eto gị.+ Sila.
5 Obi ụtọ na-adịrị ndị ị bụ ike ha,+Ndị obi ha dị n’ụzọ e si aga n’ụlọ gị.+
6 Mgbe ha na-agabiga na ndagwurugwu osisi beka,+Ha na-eme ka ọ ghọọ isi iyi;Onye ozizi ha+ ji ngọzi na-ekpuchi onwe ya.
7 Ha ga na-eje ije ma na-enwewanye ike;+Onye nke ọ bụla na-abịa n’ihu Chineke n’ime Zayọn.+
8 Jehova Chineke nke ụsụụ ndị agha, biko, nụrụ ekpere m;+Ṅaa ntị, Chineke Jekọb.+ Sila.
9 Chineke, bụ́ ọta anyị, biko, hụrụ,+Lee onye i tere mmanụ anya n’ihu.+
10 N’ihi na otu ụbọchị n’ogige gị dị mma karịa otu puku ụbọchị n’ebe ọzọ.+Ahọrọwo m iguzo n’ọnụ ụzọ ụlọ Chineke m+Karịa ịgagharị n’ụlọikwuu ajọ omume.+
11 N’ihi na Jehova Chineke bụ anyanwụ+ na ọta;+Ọ na-emekwa ka mmadụ nweta ihu ọma na ebube.+Jehova agaghị ajụ inye ndị na-eje ije n’enweghị ntụpọ ihe ọ bụla bụ́ ihe ọma.+
12 Jehova nke ụsụụ ndị agha, obi ụtọ na-adịrị onye tụkwasịrị gị obi.+
