Abụ Ọma 70:1-5
Ntụziaka e nyere onye nduzi. Abụ ọma Devid, nke e ji echeta ihe.+
70 Chineke, biko bịa ngwa ngwa napụta m,+Jehova, biko, bịa ngwa ngwa nyere m aka.+
2 Ka ihere mee ndị na-achọ mkpụrụ obi m, ka e mechuokwa ha ihu.+Ka ndị ọdachi m na-atọ ụtọ laghachi azụ, ka e menyekwa ha ihere.+
3 Ka ha laghachi azụ n’ihi ihere na-eme ha, bụ́ ndị na-asị: “Ntọọ, ntọọ!”+
4 Ka ndị niile na-achọ gị nwee obi ụtọ ma ṅụrịa ọṅụ n’ime gị,+Ka ndị hụrụ nzọpụta gị n’anya na-ekwu mgbe niile, sị: “Ka e too Chineke!”+
5 Ma anọ m n’ahụhụ, adakwara m ogbenye.+Chineke, biko, mee ihe ngwa ngwa n’ihi m.+Ị bụ onye na-enyere m aka na Onye na-emere m ụzọ mgbapụ.+Jehova, biko, egbula oge.+
