Abụ Ọma 68:1-35
Ntụziaka e nyere onye nduzi. Abụ ọma Devid. Abụ olu ụtọ, abụ.
68 Ka Chineke bilie,+ ka a chụsaa ndị iro ya,+Ka ndị kpọrọ ya oké asị gbaa ọsọ n’ihi ya.+
2 Chụsaa ha dị ka ifufe si efesasị anwụrụ ọkụ;+Dị ka ọkụ si eme ka mgbá aṅụ gbazee,+Ka ndị ajọ omume laa n’iyi ghara ịnọkwa n’ihu Chineke.+
3 Ma, ka ndị ezi omume ṅụrịa ọṅụ,+Ka ha nwee ọṅụ n’ihu Chineke,+Ka ha jirikwa ọṅụ na-awụli elu.+
4 Bụkuonụ Chineke abụ, bụkuonụ aha ya abụ olu ụtọ;+Bụkuonụ Onye ahụ nke na-agbafe na mbara ọzara abụ,+Dị ka Jaa, nke bụ́ aha ya;+ ṅụrịakwanụ ọṅụ n’ihu ya;
5 Nna nke ụmụ na-enweghị nna nakwa onyeikpe nke ndị inyom di ha nwụrụ+Ka Chineke bụ n’ebe obibi ya dị nsọ.+
6 Chineke na-eme ka ndị nọ naanị ha biri n’ụlọ;+Ọ na-atọhapụ ndị mkpọrọ, meekwa ka ha baa ọgaranya.+Ma ndị isi ike ga-ebi n’ala kpọrọ nkụ.+
7 Chineke, mgbe i buteere ndị gị ụzọ,+Mgbe ị zọrọ ije gafere n’ọzara+—Sila—
8 Ala mara jijiji,+Chineke mekwara ka mmiri si n’eluigwe zoo;+Chineke, bụ́ Chineke Izrel+ mere ka Saịnaị nke a maa jijiji.+
9 Chineke, i mere ka mmiri malite izosi ike;+Ọbụna mgbe ihe nketa gị dara mbà—gị onwe gị na-eme ka o nweta ume.+
10 Ụlọikwuu gị+—ha ebiriwo n’ime ya;+Chineke, i ji ịdị mma gị kwadebere ya onye nọ n’ahụhụ.+
11 Ọ bụ Jehova kwuru okwu;+Ndị inyom na-ezisa ozi ọma bụ ìgwè dị ukwuu.+
12 Ọbụna ndị eze nke ìgwè ndị agha dị iche iche na-agba ọsọ, ha na-agba ọsọ.+Nwaanyị nke nọ n’ụlọ na-esokwa eketa ihe a kwatara n’agha.+
13 Ọ bụ ezie na unu dina n’akụkụ ikpo ntụ,A ga-enwe nduru e ji ọlaọcha kpuchie nku ya,Nke e jikwa ọlaedo na-acha akwụkwọ ndụ akwụkwọ ndụ na odo odo kpuchie ábụ́bà ya.+
14 Mgbe Onye Pụrụ Ime Ihe Niile chụsasịrị ndị eze nọ n’ime ya,+Snoo malitere ịda na Zalmọn.+
15 Ógbè Beshan nke bụ́ ugwu ugwu+ bụ ugwu Chineke;+Ógbè Beshan nke bụ́ ugwu ugwu bụ ugwu nke nwere ọtụtụ ọnụ pịrị apị.+
16 Unu ugwu ndị nwere ọtụtụ ọnụ pịrị apị, gịnị mere unu ji na-eleUgwu Chineke nwere mmasị ibi na ya anya ọjọọ?+Jehova ga-ebi n’ebe ahụ ruo mgbe ebighị ebi.+
17 Ụgbọ ịnyịnya agha Chineke dị iri puku kwuru iri puku, puku kwuru puku.+Jehova esiwo na Saịnaị bata n’ebe nsọ ya.+
18 Jaa bụ́ Chineke, ị rịgowo n’elu;+Ị dọrọwo ọtụtụ ndị n’agha;+Ị narawo onyinye n’ụdị mmadụ,+Ee, ọbụna ndị isi ike,+ ka i wee biri n’etiti ha.+
19 Ka Jehova, bụ́ onye na-eburu anyị ibu anyị kwa ụbọchị,+ bụrụ onye a gọziri agọzi,Ezi Chineke nke nzọpụta anyị.+ Sila.
20 Ezi Chineke bụụrụ anyị Chineke nke na-enye nzọpụta;+Ọ bụkwa n’aka Jehova bụ́ Ọkaakaa+ Onyenwe anyị ka ụzọ e si alanahụ ọnwụ dị.+
21 N’ezie, Chineke ga-akụri isi ndị iro ya,+Bụ́ opu isi nke ntutu jupụtara, nke onye na-ejegharị wee na-ewetara onwe ya amamikpe.+
22 Jehova kwuru, sị: “M ga-esi na Beshan kpọghachite ha,+M ga-esi n’ala ala oké osimiri kpọghachite ha,+
23 Ka i wee jiri ọbara saa ụkwụ gị,+Ka ire nkịta gị niile wee keta òkè n’ọbara ndị iro.”+
24 Chineke, ha ahụwo ìgwè ndị so gị n’azụ,+Bụ́ ndị so Chineke m, bụ́ Eze m, n’azụ na-abanye n’ebe nsọ ya.+
25 Ndị na-abụ abụ nọ n’ihu, ndị na-akpọ ụbọ akwara so ha n’azụ;+Ụmụ agbọghọ na-akụ obere ịgbà nọkwa n’agbata ha.+
26 Unu ndị nwetara ndụ site n’Isi Iyi nke Izrel, gọzienụ Chineke, bụ́ Jehova,+N’etiti ìgwè zukọrọ ọnụ.+
27 Benjamin nke dị ntakịrị, nke na-emeri ha, nọkwa ya,+Tinyere ndị isi Juda nakwa ìgwè ha ndị na-eti mkpu,Na ndị isi Zebulọn na ndị isi Naftalaị.+
28 Chineke gị enyewo iwu ka ike gị pụta ìhè.+Chineke, biko, gosi ike gị, gị onye meworo ihe n’ihi anyị.+
29 Ndị eze ga-ewetara gị onyinye+N’ihi ụlọ nsọ gị nke dị na Jeruselem.+
30 Baara anụ ọhịa nke nọ n’etiti ahịhịa amị mba,+ bụ́ ìgwè oké ehi,+Nakwa ụmụ ehi nke ndị dị iche iche, nke ọ bụla na-azọtọ iberibe ọlaọcha.+Ọ chụsawo ndị ịlụ ọgụ na-atọ ụtọ.+
31 Arịa ndị e ji ọla nchara mee ga-esi n’Ijipt pụta;+Kush ga-amatị aka ngwa ngwa nye Chineke onyinye.+
32 Unu alaeze dị iche iche nke ụwa, bụkuonụ Chineke abụ,+Bụkuonụ Jehova abụ olu ụtọ—Sila—
33 Bụkuonụ Onye ahụ abụ, bụ́ Onye nọkwasịrị n’eluigwe nke eluigwe dị ka ịnyịnya,+ bụ́ eluigwe dịwara kemgbe oge ochie.Lee! Ọ na-eme ka olu ya, bụ́ olu dị ike, daa ụda.+
34 Kwuonụ na ọ bụ Chineke nwe ike.+Ọ bụ ya na-achị Izrel, ike ya dịkwa n’ígwé ojii.+
35 Chineke dị egwu n’ebe nsọ ya dị ebube.+Ọ bụ Chineke Izrel nke na-enye ndị ya ike na ume.+Ka Chineke bụrụ onye a gọziri agọzi.+
