Abụ Ọma 6:1-10
Ntụziaka e nyere onye nduzi. A ga-eji ụbọ akwara kpọọ ya n’ụda dị ala.+ Abụ olu ụtọ Devid.
6 Jehova, biko, abarala m mba n’iwe,+Ejikwala ọnụma gbazie m.+
2 Jehova, biko, meere m amara, n’ihi na ike na-agwụ m.+Jehova, gwọọ m,+ n’ihi na ọkpụkpụ m na-ama jijiji.
3 Ee, mkpụrụ obi m ezughị ike ma ọlị;+Jehova—ọ̀ bụ ruo ole mgbe?+
4 Jehova, biko, laghachite+ napụta mkpụrụ obi m;+Zọpụta m n’ihi obiọma* gị.+
5 N’ihi na onye nwụrụ anwụ adịghị akpọ aha gị;+Ònye ga-eto gị n’ime Shiol?+
6 Ude m na-asụ emewo ka ike gwụ m;+N’ogologo abalị dum, m na-eme ka ihe ndina m dee mmiri;+M na-eme ka ihe ndina m jupụta n’anya mmiri m.+
7 Anya m adịkwaghị ahụcha ụzọ n’ihi iru uju,+Ọ kawo nká n’ihi ndị niile na-ebuso m iro.+
8 Pụọnụ n’ebe m nọ, unu niile ndị na-eme ihe ọjọọ,+N’ihi na Jehova ga-anụ olu ákwá m.+
9 Jehova ga-anụ arịrịọ m na-arịọ ka o meere m amara;+Jehova ga-anabata ekpere m.+
10 Ihere ga-emegbu ndị iro m niile,+ ha ga-amakwa jijiji;Ha ga-alaghachi azụ, ihere ga-eme ha ozugbo.+
Ihe E Dere n'Ala Ala Peeji
^ Ma ọ bụ, “ịhụnanya na-adịgide adịgide.”
