Abụ Ọma 58:1-11
Ntụziaka e nyere onye nduzi. “Alala m n’iyi.” Abụ ọma Devid. Miktam.
58 Ebe unu gbachiri nkịtị, ùnu pụrụ ikwu okwu banyere ezi omume?+Ùnu pụrụ ikpe ikpe ziri ezi, unu ụmụ mmadụ?+
2 Ee e, kama lee otú unu si jiri obi unu dum na-eme ihe doro anya na ọ bụ ajọ omume n’ụwa,+Na-edozikwa ụzọ maka ihe ọjọọ unu na-eme!+
3 Ndị ajọ omume si n’afọ bụrụ ndị arụ;+Ha si n’afọ kpafuwe;Ha na-ekwu okwu ụgha.+
4 Elò ha yiri elò agwọ,+Ha na-akpọchi ntị dị ka agwọ ubí nke mechiri ntị ya,+
5 Nke na-agaghị anụ olu ndị na-ara ya ụrà,+Ọ bụrụgodị na onye maara ihe ejiri ọgwụ jide ya.+
6 Chineke, biko, kụpụsịa ha ezé n’ọnụ.+Jehova, biko, kụkapụ ọkpụkpụ agba ụmụ ọdụm tojuru etoju.
7 Ka ha sọrọ pụọ dị ka mmiri na-asọpụ asọpụ;+Ka o kwee ụta ọ ga-eji gbaa akụ́ ka ha nọ na-ada.+
8 Ha na-aga ije dị ka eju nke na-achọ ịnwụ anwụ;*Dị ka ime nke pụrụ nwaanyị, ha agaghị ahụ anyanwụ.+
9 Tupu ọkụ osisi ogwu unu sonyere n’ọkụ emetụ ite unu,+Ọ ga-ebufu ma osisi ogwu nke dị ndụ ma nke e sonyere n’ọkụ dị ka oké ifufe.+
10 Onye ezi omume ga-aṅụrị ọṅụ n’ihi na ọ hụwo ọbọ a bọrọ.+Ọ ga-eji ọbara onye ajọ omume saa ụkwụ ya.+
11 Mmadụ ga-asịkwa:+ “N’ezie, onye ezi omume ga-enweta ụgwọ ọrụ.+N’ezie, e nwere Chineke nke na-ekpe ikpe n’ụwa.”+
Ihe E Dere n'Ala Ala Peeji
^ Otú e si dee ya n’asụsụ Hibru bụ “na-agbaze agbaze.”
