Abụ Ọma 56:1-13
Ntụziaka e nyere onye nduzi nke Nduru Na-agba Nkịtị n’etiti ndị nọ n’ebe dị anya. Abụ ọma Devid. Miktam. Mgbe ndị Filistia jidere ya n’obodo Gat.+
56 Chineke, biko, meere m amara, n’ihi na mmadụ efu anwawo iji ọnụ kpụrụ m.+Ọ na-ebuso m agha, na-emegbukwa m ogologo ụbọchị dum.+
2 Ndị iro m na-anwa iji ọnụ kpụrụ m ogologo ụbọchị dum,+N’ihi na ndị ji mpako na-ebuso m agha dị ọtụtụ.+
3 N’ụbọchị ọ bụla egwu tụwara m, mụ onwe m ga-atụkwasị gị obi.+
4 M ga-adabere na Chineke wee too okwu ya.+Ọ bụ Chineke ka m tụkwasịrị obi; m gaghị atụ egwu.+Gịnị ka anụ ahụ́ bụ́ mmadụ ga-eme m?+
5 Ogologo ụbọchị dum, ha na-emebi ihe niile gbasara m;Ihe niile ha na-eche n’echiche bụ ime m ihe ọjọọ.+
6 Ha na-awakpo m, gaa zoo,+Ha onwe ha nọ na-ele ebe m na-azọnye ụkwụ,+Mgbe ha chechiri mkpụrụ obi m.+
7 Jụ ha n’ihi ihe ọjọọ ha na-eme.+Chineke, jiri iwe kwada ndị dị iche iche.+
8 Gị onwe gị edewo ya n’akwụkwọ na m bụ onye gbara ọsọ.+Gbanye anya mmiri m n’ime karama akpụkpọ gị.+Ọ̀ bụ na ọ dịghị n’akwụkwọ gị?+
9 N’oge ahụ, ndị iro m ga-alaghachi azụ, n’ụbọchị m ga-akpọku gị;+M maara nke ọma na Chineke nọnyeere m.+
10 M ga-adabere na Chineke+ wee too okwu ya;M ga-adabere na Jehova wee too okwu ya.+
11 Ọ bụ Chineke ka m tụkwasịrị obi. Agaghị m atụ egwu.+Gịnị ka mmadụ ga-eme m?+
12 Chineke, ọ dị nkwa m kwere gị bụ́ ndị m ka ga-emezu.+M ga-achụrụ gị àjà ekele.+
13 N’ihi na ị napụtawo mkpụrụ obi m n’ọnwụ+—Ọ̀ bụ na i meghị ka ụkwụ m ghara ịsụ ngọngọ?+—Ka m wee na-ejegharị n’ihu Chineke n’ìhè nke ndị dị ndụ.+
