Abụ Ọma 148:1-14
148 Toonụ Jaa!+Sinụ n’eluigwe too Jehova,+Toonụ ya n’ebe dị elu.+
2 Toonụ ya, unu ndị mmụọ ozi ya niile.+Toonụ ya, unu ụsụụ ndị agha ya dum.+
3 Toonụ ya, unu anyanwụ na ọnwa.+Toonụ ya, unu kpakpando niile na-enye ìhè.+
4 Toonụ ya, unu eluigwe nke eluigwe,+Nakwa mmiri nke dị n’eluigwe.+
5 Ka ha too aha Jehova;+N’ihi na ọ bụ ya nyere iwu, e wee kee ha.+
6 Ọ na-emekwa ka ha dịruo mgbe ebighị ebi, ruo mgbe niile ebighị ebi.+O nyewo ụkpụrụ ya, ọ gaghịkwa agabiga agabiga.+
7 Sinụ n’ụwa too Jehova,+Unu nnukwu anụ mmiri na unu ogbu mmiri niile,+
8 Unu ọkụ na akụ́ mmiri ígwé, snoo na oké anwụrụ ọkụ,+Unu oké ifufe nke na-emezu okwu ya,+
9 Unu ugwu ukwu na ugwu nta niile,+Unu osisi na-amị mkpụrụ na osisi sida niile,+
10 Unu anụ ọhịa na anụ ụlọ niile,+Unu ihe na-akpụ akpụ na nnụnụ nwere nku,+
11 Unu ndị eze ụwa+ nakwa unu mba niile,Unu ndị isi+ nakwa unu ndị ikpe niile nke ụwa,+
12 Unu ụmụ+ okorobịa na ụmụ agbọghọ,+Unu ndị agadi+ nakwa ụmụ okoro.+
13 Ka ha too aha Jehova,+N’ihi na ọ bụ naanị aha ya dị elu nke ukwuu.+Ebube ya dịkwa elu karịa ụwa na eluigwe.+
14 Ọ ga-eme ka mpi ndị ya dị elu,+Meekwa ka otuto nke ndị niile na-eguzosi ike n’ebe ọ nọ dị elu,+Ya bụ, nke ụmụ Izrel, bụ́ ndị nọ ya nso.+Toonụ Jaa!+
