Nkebi a ga-akọrọ anyị banyere ndị na-eto eto, ndị amụma, na ndị eze nwere ezigbo okwukwe na Jehova. Na Siria, otu nwatakịrị nwaanyị Izrel nwere okwukwe na onye amụma Jehova ga-agwọli Neeman. Obi siri Ịlaịsha onye amụma ezigbo ike na Jehova ga-anapụta ya n’aka ndị agha chọrọ igbu ya. Jehoyada Nnukwu Onye Nchụàjà chebere otu nwatakịrị nwoke aha ya bụ Jehoash ka nne nna ya bụ́ Atalaya ghara igbu ya n’agbanyeghị na ihe a o mere gaara akpatara ya ọnwụ. Eze Hezekaya tụkwasịrị Jehova obi na ọ ga-anapụta Jeruselem n’aka ndị Asiria. O kweghị achịliri ha aka elu n’agbanyeghị na ha nọ na-eyi ya egwu. Eze Josaya kpochapụrụ arụsị n’Izrel, mee ka ụlọ nsọ dịrị ọcha, meekwa ka ndị Izrel maliteghachi ife Chineke ezigbo ofufe.