Ọnwa abụọ ndị Izrel gafechara Oké Osimiri Uhie, ha ruru n’Ugwu Saịnaị. Ha na Jehova nọ ebe ahụ gbaa ndụ, ha abụrụ mba ya pụrụ iche. O chebere ha ma gbooro ha mkpa ha. O nyere ha mana ka ha rie, mee ka uwe ha ghara ịka aka, meekwa ka ha nweta ebe ndị dị mma ha mara ụlọikwuu. Ọ bụrụ na ị bụ nne ma ọ bụ nna, nyere nwa gị aka ka ọ ghọta ihe mere Jehova ji nye ndị Izrel Iwu, gwa ha rụọ ụlọikwuu, meekwa ka ha nwee ndị nchụàjà. Mee ka ọ ghọta ihe mere anyị ji kwesị ịna-emezu nkwa anyị kwere, ịna-adị umeala n’obi ma na-erubere Jehova isi mgbe niile.