Ihe A Na-aga Ịkọ ná Nkebi nke 14
Ndị Kraịst oge mbụ ziri ozi ọma Alaeze Chineke ruo n’ebe kacha anya n’ụwa. Jizọs gwara ha ebe ndị ha ga-ekwusa ozi ọma. Ọ rụkwara ọrụ ebube mee ka ha zie ndị mmadụ ozi ọma n’asụsụ ha. Jehova mere ka ha kwusaa ozi ọma n’atụghị ụjọ, nyekwa ha ike ha ji die nsogbu karịrị akarị ndị mmadụ nọ na-enye ha.
Jizọs gosiri Jọn onyeozi ebube Jehova n’ọhụụ. N’ọhụụ ọzọ, Jọn hụrụ ka Alaeze eluigwe meriri Setan ma bibie ọchịchị ya ruo mgbe ebighị ebi. Jọn hụrụ ka Jizọs na otu narị puku na puku iri anọ na puku anọ (144,000) na-achị. Ọ hụkwara ka e mere ka ụwa niile bụrụ paradaịs, ndị niile bi na ya ana-efe Jehova, birikwa n’udo.
NÁ NKEBI A
ISI NKE 95
O Nweghị Ihe Ga-eme Ka Ha Kwụsị Izi Ozi Ọma
Ndị isi okpukpe ndị gburu Jizọs na-achọzi ime ka ndị na-eso ụzọ ya kwụsị izi ozi ọma. Ma ha agaghị akwụsịli ha.
ISI NKE 96
Jizọs Họọrọ Sọl
Sọl bụ ezigbo onye iro Ndị Kraịst. Ma, ndụ ya ga-agbanwe n’oge na-adịghị anya.
ISI NKE 97
Mmụọ Nsọ Dakwasịrị Kọnịliọs
Gịnị mere Chineke ji ziga Pita n’ụlọ nwoke a na-abụghị onye Juu?
ISI NKE 98
E Zisara Ozi Ọma n’Ọtụtụ Mba
Pọl onyeozi na ndị ya na ha so bidoro ikwusa ozi ọma n’obodo ndị dị anya.
ISI NKE 99
Onye Na-elekọta Ụlọ Mkpọrọ Ghọrọ Onye Kraịst
Gịnị gbasara mmụọ ọjọọ, ala ọma jijiji, nakwa mma agha n’akụkọ a?
ISI NKE 101
A Kpọgara Pọl Rom
Ọtụtụ nsogbu bịaara Pọl onyeozi mgbe ọ na-aga ebe ahụ, ma o meghị ka ike gwụ ya.
ISI NKE 102
Mkpughe E Kpugheere Jọn
Jizọs mere ka Jọn hụ ọhụụ dị iche iche ndị gosiri ihe ndị ga-eme n’ọdịnihu.
ISI NKE 103
“Ka Alaeze Gị Bịa”
Mkpughe e kpugheere Jọn gosiri otú Alaeze Chineke ga-esi mee ka ihe dị mma n’ụwa.
