Gaa n'Isiokwu

Gaa na menu nke abụọ

Ndịàmà Jehova

Igbo

Gịnị Ka Alaeze Chineke Ga-eme?

Gịnị Ka Alaeze Chineke Ga-eme?

Ihe Baịbụl kwuru

Alaeze Chineke ga-ewepụ ọchịchị ụmụ mmadụ, naanị ya achịwazie ụwa niile. (Daniel 2:44; Mkpughe 16:14) Ya bidohaala ịchị ụwa niile, lee ihe ndị ọ ga-eme.

  • Ọ ga-ewepụ ndị ọjọọ niile, ha agaghịzi na-enye anyị nsogbu. Ilu 2:22 kwuru na “a ga-ebipụ ndị ajọ omume n’ụwa.

  • Ọ ga-eme ka agha kwụsị. Abụ Ọma 46:9 kwuru na Chineke ga-eme ka agha kwụsị ruo na nsọtụ ụwa.

  • Ọ ga-eme ka ihe dịrị ụmụ mmadụ mma, meekwa ka obi ruo onye ọ bụla ala. Maịka 4:4 kwuru, sị: “Onye ọ bụla ga-ebi n’udo n’ime ụlọ nke aka ya, ihe ga-agakwara mmadụ nile nke ọma, n’ihi na o nweghị onye ga-eme ka ha tụọ egwu ọzọ.” (Baịbụlụ Nsọ nke International Bible Society)

  • Ọ ga-eme ka ụwa ghọọ paradaịs. Aịzaya 35:1 kwuru, sị: “Ala ịkpa na ógbè mmiri na-adịghị ga-enwe aṅụrị, mbara ọzara ga-aṅụrị ọṅụ, waakwa okooko.

  • Ọ ga-eme ka onye ọ bụla nwee ihe ọ na-arụ ga na-eme ya obi ụtọ. Aịzaya 65:21-23 sịrị na “ndị [Chineke] họọrọ ga-eji ihe aka ha rụpụtara mee ihe n’uju. Ha agaghị adọgbu onwe ha n’ọrụ n’efu.

  • Ọrịa agaghịzi adị. Aịzaya 33:24 kwuru, sị: “Ọ dịghị onye bi na ya nke ga-asị: ‘Ana m arịa ọrịa.’

  • O nweghịzi onye ga-eme agadi. Job 33:25 sịrị: “Ka ahụ́ ya dị ọhụrụ karịa otú ọ dị n’oge ọ bụ nwata; ka ọ laghachi otú ọ dị n’oge o nwere ike okorobịa.

  • A ga-akpọlite ndị nwụrụ anwụ. Jọn 5:28, 29 sịrị na “ndị niile nọ n’ili ncheta ga-anụ olu [Jizọs] wee pụta.

 

GỤKWUO GBASARA YA

OZI ỌMA SI N’AKA CHINEKE!

Gịnị Bụ Ozi Ọma Ahụ?

Gụọ banyere ozi ọma si n’aka Chineke, ihe mere ozi ahụ ji dị mkpa na ihe i kwesịrị ime.

Gịnị n’Ezie Ka Bible Na-akụzi?

Gịnị Bụ Nzube Chineke Maka Ụwa?