Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Ụlọ Nche  |  Nọvemba 2014

 ISIOKWU ỤLỌ NCHE A | SETAN Ọ̀ DỊ ADỊ?

Setan Ọ̀ Dị Adị?

Setan Ọ̀ Dị Adị?

Ihe a kpụrụ akpụ dị na Madrid, Spen, nke na-egosi na Setan bụ mmụọ ozi a chụturu achụtu

“Anọ m na El Salvadọ too. Ọ na-abụ m mee isi ike, mama m asị m: ‘Ekwensu ga-abịa jide gị.’ M na-asị ya: ‘Ya bịawanụ!’ Ama m na e nwere Chineke, ma Ekwensu adịghị.”—ROGELIO.

Ì chere na ihe a Rogelio kwuru bụ eziokwu? Olee nke i chere bụ́ eziokwu n’ihe ndị e dere n’okpuru ebe a?

  • Setan adịghị adị. Ọ bụ ihe ọjọọ dị ndị mmadụ n’obi.

  • Setan dị adị. Ma o nwechaghị ihe gbasara ya na ndị mmadụ.

  • Setan bụ mmụọ dị ike. Ọ na-akpa ndị mmadụ aka ọjọọ.

Nke ọ bụla n’ime ihe atọ a nwechara ndị kwetara na ọ bụ eziokwu. Ndị nke ọ bụla n’ime ha ruru ọtụtụ nde mmadụ. Ọ̀ baara mmadụ uru ịchọwa ịmata nke bụ́ eziokwu? Ọ bụrụ na Setan adịghị adị, ihe ọ pụtara bụ na e duhiela ndị kwetara na ọ dị adị. Ọ bụrụ na ọ dị adị, ma ya abụrụ na o nweghị ihe gbasara ya na ụmụ mmadụ, ọ pụtara na egwu ọtụtụ ndị na-atụ ya abaghị uru. Ma, ọ bụrụ na Setan bụ onye dị adị nke na-aghọgbu ndị mmadụ, ihe ọ pụtara bụ na e kwesịrị ize ya eze karịa otú ọtụtụ ndị chere.

Ka anyị leba anya n’Akwụkwọ Nsọ iji mata azịza ajụjụ ndị a: Setan ọ̀ bụ ihe ọjọọ dị ndị mmadụ n’obi, ka ọ̀ bụ mmụọ dị adị? Ọ bụrụ na ọ bụ mmụọ dị adị, ò kwesịrị ka i zewe ya eze? Ọ bụrụ na i kwesịrị ize ya eze, olee ihe ị ga-eme ka ọ ghara imemila gị?