Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

ỤLỌ NCHE MACH 2014

Ajụjụ Ndị Baịbụl Zara

Ajụjụ Ndị Baịbụl Zara

Olee uru ọnwụ Jizọs baara anyị?

Mgbe Chineke kere ụmụ mmadụ, ọ chọrọ ka ha biri n’ụwa ruo mgbe ebighị ebi. Ọ chọkwara ka ha ghara ịrịa ọrịa ma ọ bụ nwụọ anwụọ. Ma, nwoke mbụ bụ́ Adam adịghị ndụ ruo mgbe ebighị ebi n’ihi na o nupụụrụ Chineke isi. Anyị niile ketara ọnwụ n’aka Adam n’ihi na anyị bụ ụmụ ya. (Ndị Rom 5:8, 12; 6:23) Jehova Chineke zitere Ọkpara ya bụ́ Jizọs n’ụwa ka ọ nwụọ ma weghachiri anyị ihe ahụ Adam mere ka ọ kwaa anyị.—Gụọ Jọn 3:16.

Jizọs nwụrụ ka ụmụ mmadụ nwee ike ịdị ndụ ruo mgbe ebighị ebi. Olee otú i chere ụwa ga-adị mgbe ndị mmadụ na-agaghị anwụkwa anwụ?

Ọnwụ Jizọs nwụrụ n’ihi anyị mere ka Chineke na-agbaghara anyị mmehie anyị, ọ bụkwa ọnwụ ya ga-eme ka anyị nwee ike ịdị ndụ ebighị ebi. Baịbụl gwara anyị na oge na-abịa mgbe nká, ọrịa na ọnwụ na-agakwaghị adị n’ụwa.—Gụọ Aịzaya 25:8; 33:24; Mkpughe 21:4, 5.

Olee otú anyị ga-esi na-echeta ọnwụ Jizọs?

Tupu Jizọs anwụọ, o gosiri ndị na-eso ụzọ ya otú ha ga-esi na-echeta ọnwụ ya. Icheta ọnwụ Jizọs kwa afọ na-eme ka anyị na-echeta na Jizọs na Jehova hụrụ ụmụ mmadụ n’anya nke ukwuu.—Gụọ Luk 22:19, 20; 1 Jọn 4:9, 10.

N’afọ a, Ndịàmà Jehova ga-echeta ọnwụ Jizọs na Mọnde, abalị iri na anọ n’ọnwa Eprel, mgbe anyanwụ dachara. Anyị na-akpọ gị òkù ka i soro Ndịàmà Jehova bi gị nso gaa n’ebe ha ga-anọ cheta ọnwụ Jizọs.—Gụọ Ndị Rom 1:11, 12.

GỤKWUO GBASARA YA

Nri Anyasị nke Onyenwe Anyị

N’afọ ọ bụla, nde kwuru nde ndị mmadụ na-abịa soro anyị n’oge nri anyasị nke Onyenwe anyị. Bịa ka ị chọpụta otú o si gbasa gị.