Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Usoro Ihe Omume—Ozi Anyị na Otú Anyị Si Ebi Ndụ  |  Ọktoba 2017

 OTÚ NDỊ KRAỊST SI EBI NDỤ

Jiri Ndụ Gị Niile Na-eto Jehova

Jiri Ndụ Gị Niile Na-eto Jehova

Ndụ bụ onyinye dị oké ọnụ ahịa Chineke nyere anyị. Ihe anyị ji onyinye a o nyere anyị eme kwa ụbọchị na-egosi ma ànyị jikwa ya kpọrọ ihe. Dị ka Ndịàmà Jehova, anyị na-agbasi mbọ ike iji ike anyị na nkà anyị na-eto Jehova bụ́ isi iyi nke ndụ. (Ọma 36:9; Mkpu. 4:11) Ma, nchegbu nke ụwa ọjọọ a nwere ike ime ka ihe ndị gbasara ofufe Chineke nyụwazie ka ọkụ. (Mak 4:​18, 19) Onye ọ bụla n’ime anyị kwesịrị ịjụ onwe ya, sị: ‘M̀ na-eji ike m niile e jere Jehova ozi? (Hos. 14:⁠2) Ọrụ m ọ̀ na-akpa ofufe m na-efe Chineke aka ọjọọ? Olee ihe ndị m chọrọ iji ndụ m mee n’ozi Jehova? Olee otú m nwere ike isi jekwuoro Jehova ozi?’ Ọ bụrụ na ị hụ ebe ọ dị mkpa ka i mezikwuo ihe, rịọ Jehova ka o nyere gị aka ime mgbanwe ndị dị mkpa. N’eziokwu, ito Jehova ga-eme ka anyị na-enwe obi ụtọ na afọ ojuju.​—⁠Ọma 61:⁠8.

Ònye ka ị na-eji nkà ndị i nwere ejere ozi?

LEENỤ VIDIO BỤ́ JIRI NKÀ I NWERE JEERE JEHOVA OZI, ZAAKWANỤ AJỤJỤ NDỊ A:

  • Gịnị mere ọ ji bụrụ ihe nzuzu mmadụ iji nkà ya na-ejere ụwa Setan ozi? (1 Jọn 2:17)

  • Olee ngọzi ndị na-eji ike ha niile ejere Jehova ozi na-enweta?

  • Olee ebe ndị ị ga-achọ iji nkà ndị i nwere jekwuoro Jehova ozi?