Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Usoro Ihe Omume—Ozi Anyị na Otú Anyị Si Ebi Ndụ  |  Ọktoba 2017

 OTÚ NDỊ KRAỊST SI EBI NDỤ

Otú Ị Ga-esi Bụrụ Onye na-amụchi Okwu Chineke Anya

Otú Ị Ga-esi Bụrụ Onye na-amụchi Okwu Chineke Anya

Ị̀ ga-achọ inwe okwukwe siri ike ka Daniel ma ọnwụnwa bịaara gị? Daniel mụchiri Okwu Chineke anya, ma amụma ndị siri ike nghọta dị na ya. (Dan. 9:⁠2) Ịmụchi Baịbụl anya nwere ike ime ka okwukwe gị sie ezigbo ike. Olee otú ọ ga-esi eme ya? O nwere ike ime ka obi sikwuo gị ike na nkwa ndị Jehova kwere ga-emezu. (Jọsh. 23:14) O nwekwara ike inyere gị aka mee ka ị hụkwuo Jehova n’anya, meekwa ka ị na-eme ihe dị ya mma. (Ọma 97:10) Ma, olee ebe ị ga-ebido? Ka anyị leba anya n’azịza ajụjụ ndị na-esonụ.

  • Gịnị ka m ga na-amụ? Ịna-akwadebe ihe a ga-amụ n’ọmụmụ ihe sokwa na ya. Ọgụgụ Baịbụl na-akacha aba uru ma ọ bụrụ na i wepụta oge mee nchọnchọ n’ihe ndị ịna-aghọtaghị. Ọ na-atọ ụfọdụ ndị ụtọ ime nchọnchọ gbasara amụma Baịbụl dị iche iche, ihe ndị so ná mkpụrụ nke mmụọ nsọ, njem ozi ala ọzọ Pọl na ihe ndị Jehova kere eke. O nwee ka ihe a ga-emere nchọnchọ na Baịbụl si bata gị n’obi ka ị na-emere mkpa gị n’ụbọchị, detuo ya, ma jiri ya mere isiokwu ọmụmụ ihe gị n’oge ọzọ.

  • Olee ebe m ga-achọta ihe ndị m na-achọ? Lee vidio bụ́ Ngwá Ọrụ E Ji Eme Nchọnchọ Iji Chọta Akụ̀ Ime Mmụọ ka ịhụ ebe ụfọdụ. Lee ma ị̀ ga-ejili ha eme nchọnchọ iji chọpụta ọchịchị ndị anụ ọhịa ahụ a kọrọ akụkọ ha na Daniel isi asaa nọchiri anya ha.

  • Awa ole ka m ga-eji na-amụ ihe? Ịmụchi ihe anya na-eme ka okwukwe mmadụ sie ike. O kwe mee, jiri obere oge malite ọmụmụ ihe gị, ma na-agbatị ya nke nta nke nta. Ịmụ Okwu Chineke dị ka igwupụta akụ̀ zọrọ ezo, ka ị na-egwupụta ihe, ka ọ ga na-agụ gị ka i gwuru gawa. (Ilu 2:​3-6) Agụụ ịmụ Okwu Chineke ga na-agụsi gị ike, meekwa ka ịmụ Baịbụl mara gị ahụ́.​—⁠1 Pita 2:⁠2.

GỊNỊ KA ANỤ ỌHỊA NDỊ DỊ NA DANIEL ISI ASAA NỌCHIRI ANYA HA?

AJỤJỤ ỌZỌ:

Olee otú ihe e dere na Daniel 7:​8, 24 si mezuo?

NCHỌNCHỌ ỌZỌ:

Gịnị ka anụ ọhịa ndị dị ná Mkpughe isi iri na atọ nọchiri anya ha?