Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Baịbụl nke Dị n'Ịntanet | BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Job 21:1-34

21  Job wee zaa, sị:   “Geenụ ntị nke ọma n’ihe m na-ekwu, Ka ọ bụụrụ unu ihe ngụgụ obi.   Nweerenụ m ndidi, mụ onwe m ga-ekwukwa okwu; M kwuchaa, onye ọ bụla n’ime unu nwere ike ịkwa m emo.+   Ọ̀ bụ mmadụ ka m na-ekwupụtara nchegbu m? Ka ọ̀ bụ gịnị mere mmụọ m ji nwee ndidi?   Leenụ m anya, ka o jukwa unu anya, Kpuchienụ aka n’ọnụ.+   Ọ bụrụ na mụ echeta ya, obi adịghịkwa ezu m ike, Anụ ahụ́ m na-ama jijiji.   Gịnị mere ndị ajọ omume ji adị ndụ,+ Kaa nká, nweekwa akụ̀ dị ukwuu?+   Ha na-ahụ ka ụmụ ha ghọrọ mmadụ, Hụkwa ka ụmụ ụmụ ha ghọrọ mmadụ.   Ụlọ ha bụ udo, bụrụkwa ebe ụjọ na-adịghị,+ Ụtarị Chineke adịghịkwa edesa ha n’ahụ́. 10  Oké ehi ya na-agba nne ehi, o wee dịrị ime, ọbara ọcha ya adịghịkwa ala n’iyi; Nne ehi ya na-amụ nwa,+ ime adịghịkwa apụ ya. 11  Ha na-ezipụ ụmụ okoro ha dị nnọọ ka ìgwè ewu na atụrụ, Ụmụ ha ndị ikom na-awụgharịkwa. 12  Ha na-eji obere ịgbà na ụbọ akwara na-agụ egwú,+ Ha na-aṅụrịkwa ọṅụ mgbe ha na-anụ ụda ọjà. 13  Ha na-ekpori ndụ ụbọchị ha niile,+ Ma n’otu ntabi anya, ha na-agbada na Shiol. 14  Ha na-asịkwa ezi Chineke, ‘Hapụ anyị!+ Anyị enweghịkwa mmasị n’ịmata ụzọ gị.+ 15  Gịnị ka Onye Pụrụ Ime Ihe Niile bụ, nke mere anyị ga-eji jeere ya ozi,+ Oleekwa uru anyị na-erite na anyị arịọwo ya arịrịọ?’+ 16  Lee! Ihe ịga nke ọma ha adịghị n’aka ha.+ Atụmatụ ndị ajọ omume dị anya n’ebe m nọ.+ 17  Ugboro ole ka e menyụtụworo oriọna ndị ajọ omume,+ Ọ̀ bụkwa ugboro ole ka ọdachi ha na-adakwasị ha? Ugboro ole ka o jitụworo iwe ya mee ka mbibi bịakwasị ha?+ 18  Hà na-adị ka ahịhịa ọka ifufe na-ebugharị,+ Dịkwa ka igbogbo ọka nke oké ifufe bupụrụ? 19  Chineke ga-ewere ihe ọjọọ mmadụ mere debere ụmụ ya;+ Ọ ga-akwụ ya ụgwọ ka o wee mara.+ 20  Anya ya ga-ahụ ọdịda ya, Ọ bụkwa ọnụma Onye Pụrụ Ime Ihe Niile ka ọ ga-aṅụ.+ 21  N’ihi na, gịnị ga na-enye ya obi ụtọ n’ụlọ ya mgbe ọ na-anọkwaghị, Mgbe a ga-egbubi ọnwa ole o nwere ọkara?+ 22  Ọ̀ ga-akụziri Chineke ihe,+ Mgbe Chineke na-ekpe ndị dị elu ikpe?+ 23  Onye dị otú a ga-anwụ mgbe ihe niile zuuru ya,+ Mgbe ọ na-enweghị nchegbu na mgbe obi ruru ya ala; 24  Mgbe apata ụkwụ ya bụ abụba abụba, Mgbe ụmị ọkpụkpụ ya nwekwara mmiri. 25  Onye nke ọzọ ga-anwụ n’obi ilu, Mgbe ọ na-adịbeghị ihe dị mma o riri.+ 26  Ha niile ga-edina n’ájá,+ Ikpuru ga-ekpuchikwa ha.+ 27  Lee! Amaara m ihe unu na-eche, Marakwa atụmatụ unu ga-eji meso m mmeso ọjọọ.+ 28  N’ihi na unu na-asị, ‘Olee ụlọ onye ahụ a ma ama, Oleekwa ụlọikwuu ndị ajọ omume, bụ́ ebe obibi ha?’+ 29  Ọ̀ bụ na unu ajụbeghị ndị na-eme njem n’okporo ụzọ ase? Ọ̀ bụ na unu adịghịkwa enyocha ihe akaebe ha nke ọma, 30  Na a na-ahapụ onye ọjọọ ndụ n’ụbọchị ọdachi,+ A na-anapụtakwa ya n’ụbọchị oké iwe? 31  Ònye ga-anọ n’ihu ya gwa ya ihe ọ na-eme?+ Ònyekwa ga-akwụ ya ụgwọ ihe o mere?+ 32  Ọ bụ n’ili ka a ga-ebuba ya,+ A ga-echekwa ili nche. 33  Ọkpụrụkpụ ájá nke ndagwurugwu iyi ga-atọ ya ụtọ,+ Ọ ga-adọkpụrụkwa ihe niile a kpọrọ mmadụ ka ha so ya n’azụ,+ A pụghịkwa ịgụta ndị bu ya ụzọ ọnụ. 34  Leenụ nkasi obi na-enweghị isi unu na-enye m,+ Ihe niile unu na-aza m ka bụkwa ihe na-ezighị ezi!”

Ihe E Dere n'Ala Ala Peeji