Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Baịbụl nke Dị n'Ịntanet | BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Jeremaya 46:1-28

46  Nke a bụ okwu Jehova nke ruru Jeremaya onye amụma ntị banyere mba dị iche iche:+  Banyere Ijipt,+ ya bụ, banyere ndị agha Fero Niko bụ́ eze Ijipt,+ onye nọ n’akụkụ osimiri Yufretis, na Kakemish,+ bụ́ onye Nebukadreza eze Babịlọn meriri n’afọ nke anọ nke ọchịchị Jehoyakim+ nwa Josaya, bụ́ eze Juda:  “Kwadebenụ ọta nta na ọta ukwu maka ịga buo agha.+  Unu ndị na-agba ịnyịnya, kegidenụ ịnyịnya n’ụgbọ ịnyịnya, nọkwasịnụ n’elu ha, kpurukwanụ okpu agha. Meenụ ka ube unu na-egbu maramara. Yirinụ uwe agha.+  “‘Gịnị mere m ji hụ ka oké ụjọ jidere ha? Ha na-alaghachi azụ, a na-egwerikwa ndị dike ha; ha agbawo ọsọ, ha eleghịkwa anya n’azụ.+ Ụjọ dị ebe niile,’+ ka Jehova kwuru.  Ka onye nwere ụkwụ ọsọ ghara ịnwa ịgba ọsọ, ka dike gharakwa ịnwa ịgbapụ.+ Ha asụwo ngọngọ daa n’ebe ugwu,+ n’akụkụ osimiri Yufretis.’+  “Ònye bụ onye a nke na-eto dị ka Osimiri Naịl, dị ka osimiri ndị mmiri ha na-amali elu?+  Ijipt na-eto dị ka Osimiri Naịl,+ mmiri ya na-amali elu dị ka osimiri.+ Ọ na-asị, ‘M ga-eto. M ga-ekpuchi ụwa. M ga-ebibi obodo na ndị bi n’ime ya ozugbo.’+  Gbagoonụ, unu ịnyịnya; gbawanụ ara ara, unu ụgbọ ịnyịnya! Ka ndị dike, bụ́ Kush+ na Pọt+ gaa, bụ́ ndị na-ebu ọta, tinyere ndị Ludim,+ bụ́ ndị na-ekwe ụta ma na-agba ụta ya. 10  “Ụbọchị ahụ bụ ụbọchị Ọkaakaa Onyenwe anyị, bụ́ Jehova nke ụsụụ ndị agha, ọ bụ ụbọchị ịbọ ọbọ maka ịbọrọ onwe ya ọbọ n’ahụ́ ndị iro ya.+ Mma agha ga-eri ha rijuo afọ, ṅụjuokwa ọbara ha afọ, n’ihi na Ọkaakaa+ Onyenwe anyị, bụ́ Jehova nke ụsụụ ndị agha, nwere àjà+ ọ kwadebeworo n’ala ebe ugwu nke dị n’akụkụ osimiri Yufretis.+ 11  “Gbagoo Gilied nweta mmanụ bọlsọm,+ gị ada na-amaghị nwoke bụ́ Ijipt.+ Ọ bụ n’efu ka i nwetaworo ọtụtụ ihe e ji agwọ ọrịa. I nweghị ngwọta.+ 12  Mba dị iche iche anụwo banyere ọnọdụ ihere gị,+ mkpu ákwá gị adazuwo n’ala dum.+ N’ihi na ha asụwo ngọngọ, dike ana-adagide dike.+ Ha adaruwokwa ala, ha abụọ.” 13  Okwu Jehova gwara Jeremaya onye amụma banyere ọbịbịa Nebukadreza eze Babịlọn ga-abịa imeri ala Ijipt:+ 14  “Kọọnụ ya n’Ijipt, kwusaanụ ya na Migdọl,+ kwusaakwanụ ya na Nọf+ nakwa na Tapanhis.+ Sịnụ, ‘Guzoro, jikere,+ n’ihi na mma agha ga-eripịa gị gburugburu.+ 15  Gịnị mere e ji kpochapụ ndị gị dị ike?+ Ha enweghị ike iguzo, n’ihi na Jehova akwapụwo ha.+ 16  Ha na-asụ ngọngọ n’ìgwè n’ìgwè. Ha na-adakwa. Ha na-agwakwa ibe ha, sị: “Bilienụ, ka anyị laghachikwuru ndị obodo anyị, ka anyị laghachi n’ala ndị ikwu anyị n’ihi mma agha nke na-emesi anyị ike.”’ 17  Ha ekwusawo n’ebe ahụ, sị, ‘Ọ bụ naanị mkpọtụ ka Fero eze Ijipt na-eme.+ O mewo ka oge ememme gafee.’+ 18  “‘Dị nnọọ ka m dị ndụ,’ ka Eze, onye aha ya bụ Jehova nke ụsụụ ndị agha,+ kwuru, ‘ọ ga-abata wee dị otú Tebọ+ dị n’etiti ugwu ndị ọzọ, dịkwa otú ugwu Kamel+ dị n’akụkụ oké osimiri. 19  Kwakọta ngwongwo ị ga-ebu mgbe a ga-adọrọ gị n’agha,+ gị ada+ bụ́ Ijipt, bụ́ nwaanyị bi n’ime ya. N’ihi na Nọf+ ga-aghọ ihe ijuanya, a ga-agbakwa ya ọkụ ka a ghara inwe onye bi ya.+ 20  Ijipt yiri nwa ehi mara mma nke ukwuu. Anwụnta ga-esi n’ebe ugwu bịa taa ya.+ 21  Ndị agha o goro ọrụ, bụ́ ndị nọ n’ime ya, yikwara ụmụ ehi mara abụba.+ Ma ha onwe ha atụgharịwo;+ ha niile agbaala ọsọ. Ha eguzolighị.+ N’ihi na ụbọchị ọdachi ha, bụ́ oge a ga-elebara ha anya, abịakwasịwo ha.’+ 22  “‘Ụda olu ya dị ka nke agwọ na-agba ọsọ;+ n’ihi na ndị ikom ga-eji ike gaa, ha ga-ejikwa anyụike bịakwute ya, dị ka ndị na-akpa nkụ. 23  Ha ga-asụ oké ọhịa ya,’+ ka Jehova kwuru, ‘ọ bụ ezie na e nweghị ike ịbanye ya abanye. N’ihi na ha dị ọtụtụ karịa igurube,+ a pụghịkwa ịgụta ha ọnụ. 24  Ihere ga-eme ada+ bụ́ Ijipt. A ga-enyefe ya n’aka ndị si n’ebe ugwu.’+ 25  “Jehova nke ụsụụ ndị agha, bụ́ Chineke Izrel, sịrị, ‘Lee, m ga-elebara Emọn+ nke obodo Noo+ anya, lebakwara Fero na Ijipt na chi ya dị iche iche+ na ndị eze ya,+ ọbụna Fero na ndị niile tụkwasịrị ya obi.’+ 26  “‘M ga-enyefe ha n’aka ndị na-achọ mkpụrụ obi ha nakwa n’aka Nebukadreza eze Babịlọn+ nakwa n’aka ndị na-ejere ya ozi; e mesịa, a ga-ebirighachi n’Ijipt dị ka ọ dị n’oge ochie,’+ ka Jehova kwuru. 27  “‘Ma gị onwe gị, ohu m Jekọb, atụla egwu, atụla ụjọ, gị Izrel.+ N’ihi na, lee, m ga-azọpụta gị n’ebe dị anya ị nọ, m ga-azọpụtakwa ụmụ gị n’ala a dọọrọ ha n’agha laa.+ Jekọb ga-alọta, ọ gaghịkwa enwe nsogbu, ahụ́ ga-erukwa ya ala, ọ dịghịkwa onye ga-eme ka ọ maa jijiji.+ 28  Ma gị onwe gị, ohu m Jekọb, atụla egwu,’ ka Jehova kwuru, ‘n’ihi na m nọnyeere gị.+ N’ihi na m ga-ekpochapụ ndị nọ ná mba niile m chụgara gị,+ ma agaghị m ekpochapụ gị.+ Kama m ga-apịa gị ihe ruo n’ókè kwesịrị ekwesị,+ agaghịkwa m ahapụ inye gị ntaramahụhụ.’”+

Ihe E Dere n'Ala Ala Peeji