Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Baịbụl nke Dị n'Ịntanet | BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Diuterọnọmi 33:1-29

33  Nke a bụ ngọzi+ nke Mozis bụ́ onye nke ezi Chineke+ gọziri ụmụ Izrel tupu ya anwụọ.  O wee sị: “Jehova si na Saịnaị bịa,+ O sikwa na Sia nwukwasị ha dị ka ìhè.+ O si n’ógbè Peran nke bụ́ ugwu ugwu nwuo dị ka ìhè,+ Ìgwè ndị nsọ sokwa ya,+ Ndị dike ha nọkwa ya n’aka nri.+   Ọ hụkwara ndị ya n’anya;+ Ndị nsọ ha niile nọ gị n’aka.+ Ha onwe ha nọ ọdụ n’ụkwụ gị;+ Ha malitere ịnụ ụfọdụ n’ime okwu gị.+   (Mozis nyere anyị iwu anyị ga-edebe,+ Nke bụ́ ihe nketa nke ọgbakọ Jekọb.)+   O wee ghọọ eze na Jeshurọn,+ Mgbe ndị isi nke ndị ahụ gbakọtara,+ Bụ́ ebo niile nke Izrel.+   Ka Ruben dị ndụ ma ghara ịnwụ,+ Ka ndị ya gharakwa ịfọdụ ole na ole.”+  Nke a bụ ngọzi ọ gọziri Juda,+ ka ọ gara n’ihu ịsị: “Jehova, biko, nụrụ olu Juda,+ Kpọrọ ya gakwuru ndị ya. Ogwe aka ya alụworo ihe ya ọgụ; Bụrụ onye enyemaka nke na-anapụta ya n’aka ndị na-emegide ya.”+  O kwukwara banyere Livaị, sị:+ “Tọmịm gị na Yurim+ gị dịịrị onye na-eguzosi ike n’ebe ị nọ,+ Onye i lere ule na Masa.+ Ị malitere ịgbaso ya mgba n’akụkụ mmiri Meriba,+   Onye sịrị banyere nna ya na nne ya, ‘Ahụbeghị m ha.’ Ọ mataghị ọbụna ụmụnne ya.+ Ọ maghịkwa ụmụ ya. N’ihi na ha debere okwu gị,+ Ha nọkwa na-edebe ọgbụgba ndụ gị.+ 10  Ka ha kụziere Jekọb mkpebi ikpe gị,+ Kụziekwara Izrel iwu gị.+ Ka ha suree ihe nsure ọkụ na-esi ísì ụtọ ka ọ banye n’oghere imi gị,+ Chụọkwa onyinye a na-esurecha n’ọkụ n’àjà n’ebe ịchụàjà gị.+ 11  Jehova, biko, gọzie ike ya,+ Nweekwa obi ụtọ n’ihe aka ya na-eme,+ Kụjie ndị na-ebili imegide ya úkwù,+ Nakwa ndị kpọrọ ya oké asị, ka ha ghara ibili ọtọ.”+ 12  O kwuru banyere Benjamin, sị:+ “Ka onye Jehova hụrụ n’anya+ biri n’akụkụ ya n’obi iru ala,+ Ka ya onwe ya na-echebe ya ogologo ụbọchị niile,+ Ọ ga-ebikwa n’agbata ubu ya abụọ.”+ 13  O kwukwara banyere Josef, sị:+ “Ka ala ya na-abụ nke Jehova ji ihe ọma dị iche iche nke eluigwe gọzie,+ Bụ́ igirigi,+ Na ogbu mmiri nke dị n’ime ala,+ 14  Na ihe ọma dị iche iche, bụ́ ihe anyanwụ na-eme ka e nweta,+ Na ihe ọma dị iche iche, bụ́ mkpụrụ na-amị n’ọnwa n’ọnwa,+ 15  Na ihe kasị mma ndị si n’ugwu ndị dị n’ebe ọwụwa anyanwụ,+ Na ihe ọma nke ugwu nta ndị na-adịru mgbe a na-akaghị aka. 16  Na ihe ọma dị iche iche nke ụwa na ihe jupụtara n’ime ya,+ Tinyere amara nke Onye ahụ bi n’osisi ogwu.+ Ka ha dị n’isi Josef+ Nakwa n’opu isi nke onye e si n’etiti ụmụnne ya họrọ.+ 17  Ịma mma ya dị ka nke oké ehi e bu ụzọ mụọ,+ Mpi ya bụkwa mpi atụ́.+ Ọ ga-eji ha na-asọ ndị dị iche iche,+ Sọrọ ha niile ruo na nsọtụ ụwa, Ha bụkwa iri puku kwuru iri puku nke Ifrem,+ Ha bụkwa puku kwuru puku nke Manase.” 18  O kwukwara banyere Zebulọn, sị:+ “Zebulọn, ṅụrịa ọṅụ n’ọpụpụ gị,+ Ịsaka, ṅụrịakwa ọṅụ n’ụlọikwuu gị.+ 19  Ha ga-akpọ ndị dị iche iche ka ha bịa n’ugwu. N’ebe ahụ ka ha ga-achụ àjà ezi omume.+ N’ihi na ha ga-amịrị akụ̀ dị ukwuu dị n’oké osimiri dị iche iche,+ Nakwa ihe zoro ezo a kwakọbara n’ájá.” 20  O kwukwara banyere Gad, sị:+ “Onye a gọziri agọzi ka onye na-eme ka ókèala Gad saa mbara bụ.+ Ọ ga-ebi dị ka ọdụm,+ Ọ ga-adọwakwa ogwe aka, ee, dọwaa opu isi.+ 21  Ọ ga-ahọtakwara onwe ya òkè nke mbụ,+ N’ihi na n’ebe ahụ ka e debere òkè nke onye na-enye iwu.+ Ndị isi nke ndị Izrel ga-ezukọta. Ezi omume Jehova ka ọ ga-eme, Meekwa ihe o kpere n’ikpe n’ebe Izrel nọ.” 22  O kwukwara banyere Dan, sị:+ “Dan bụ nwa ọdụm.+ Ọ ga-esi na Beshan mapụta.”+ 23  O kwukwara banyere Naftalaị, sị:+ “Amara ejuwo Naftalaị afọ, O jupụtakwara ná ngọzi Jehova. Nweta ebe ọdịda anyanwụ na ebe ndịda.”+ 24  O kwukwara banyere Asha, sị:+ “Onye e ji ụmụ gọzie ka Asha bụ.+ Ka ọ ghọọ onye ihe ya masịrị ụmụnne ya,+ Onye na-azọnye ụkwụ ya na mmanụ.+ 25  Ígwè na ọla kọpa bụ ihe i ji akpọchi ọnụ ụzọ ámá gị,+ Dị ka ụbọchị i nwere hà, otú ahụ ka ị na-atụsara ahụ́ aga ije. 26  Ọ dịghị onye dị ka ezi Chineke+ nke Jeshurọn,+ Onye nọkwasịrị n’eluigwe dị ka ịnyịnya iji nyere gị aka,+ Nakwa n’ígwé ojii n’ịdị ukwuu ya.+ 27  Chineke nke dị adị site n’oge ochie bụ ebe nzuzo,+ Ogwe aka nke na-adịru mgbe ebighị ebi dịkwa n’okpuru.+ Ọ ga-achụpụkwa onye iro n’ihu gị,+ Ọ ga-asịkwa, ‘Laa ha n’iyi!’+ 28  Izrel ga-ebikwa n’obi iru ala,+ Isi iyi Jekọb ga-anọrọ onwe ya,+ N’ala nke ọka* na mmanya ọhụrụ.+ Ee, eluigwe ya ga-eme ka igirigi daa.+ 29  Obi ụtọ na-adịrị gị, Izrel!+ Ònye dị ka gị,+ Bụ́ ndị Jehova na-azọpụta,+ Onye bụ́ ọta nke na-enyere gị aka,+ Onye bụkwa mma agha gị nke dị ebube?+ Ya mere, ndị iro gị ga-atụ egwu n’ihu gị,+ Gị onwe gị ga-azọda ebe ndị dị elu ha.”+

Ihe E Dere n'Ala Ala Peeji

Ọka a na-ekwu okwu ya ebe a bụ ụdị dị ka ọka wit na ọka bali.