Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Baịbụl nke Dị n'Ịntanet | BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

2 Samuel 24:1-25

24  Ọzọ,+ Jehova wesoro Izrel iwe dị ọkụ, mgbe otu onye kpaliri Devid imegide ha, sị: “Gaa, gụọ Izrel na Juda ọnụ.”+  Eze wee gwa Joab+ onyeisi ndị agha bụ́ onye ya na ya nọ, sị: “Biko, gagharịa n’ebo niile nke Izrel, malite na Dan ruo Bia-shiba,+ debanụ aha ndị mmadụ n’akwụkwọ,+ m ga-amakwa ole ndị Izrel dị.”+  Ma Joab sịrị eze: “Ka Jehova bụ́ Chineke gị tụkwasịrị ndị ya otu narị okpukpu n’ole ha dị, ka onyenwe m eze jirikwa anya ya hụ ya. Ma olee ihe mere ihe a ji dị onyenwe m eze mma?”+  N’ikpeazụ, eze rụgidere+ Joab na ndị isi ndị agha ime ihe o kwuru. Joab na ndị isi ndị agha wee si n’ihu eze pụọ ịga deba aha ndị Izrel n’akwụkwọ.+  Ha wee gafee Jọdan, maa ụlọikwuu n’Aroa,+ n’akụkụ aka nri obodo ahụ nke dị n’etiti ndagwurugwu, wee gaa n’ókèala ndị Gad,+ gaakwa Jeza.+  E mesịa, ha bịarutere Gilied+ nakwa n’ala Tatim-họdshaị wee gagide ruo Dan-jean, gaakwa nkọnkọ nkọnkọ ruo Saịdọn.+  Ha wee bịarute n’ebe e wusiri ike nke dị na Taya+ nakwa n’obodo niile nke ndị Haịvaịt+ nakwa nke ndị Kenan wee rute ebe ha ga-ejedebe na Negeb+ nke Juda, na Bia-shiba.+  Ha si otú a gazuo ala ahụ dum wee rute Jeruselem mgbe ọnwa itoolu na ụbọchị iri abụọ gasịrị.  Joab wee nye eze ọnụ ọgụgụ ndị e debara aha ha n’akwụkwọ;+ ndị Izrel dị narị puku ndị dike asatọ ndị na-ebu mma agha, ndị ikom Juda dịkwa narị puku ndị ikom ise.+ 10  Obi Devid wee malite ịpịa ya ụtarị+ mgbe ọ gụsịrị ndị mmadụ ọnụ. Devid wee sị Jehova: “Emehiewo m+ nke ukwuu n’ihe m mere. Ma, ugbu a, Jehova, biko, gbaghara ohu gị njehie ya;+ n’ihi na ezuzuwo m nnọọ nzuzu.”+ 11  Mgbe Devid biliri n’ụtụtụ, okwu Jehova ruru Gad+ onye amụma, bụ́ onye ọhụụ+ Devid, ntị, sị: 12  “Gaa sị Devid, ‘Nke a bụ ihe Jehova kwuru: “Ihe atọ ka m na-eche n’ihu gị.+ Jiri aka gị họrọ otu n’ime ha ka m wee mee gị ya.”’”+ 13  Gad wee bakwuru Devid sị ya:+ “Ị̀ chọrọ ka ụnwụ daa n’ala gị ruo afọ asaa,+ ka ọ̀ bụ ka ị na-agba ọsọ n’ihu ndị iro gị ruo ọnwa atọ,+ ha ana-achụ gị, ka ọ̀ bụ ka e nwee ọrịa na-efe efe n’ala gị ruo ụbọchị atọ?+ Chebara ya echiche ka m mara ihe m ga-aza Onye zitere m.” 14  Devid wee sị Gad: “Ọ na-ewute m nke ukwuu. Biko, ka anyị daba n’aka Jehova,+ n’ihi na ebere ya dị ukwuu;+ ma ka m ghara ịdaba n’aka mmadụ.”+ 15  Jehova wee mee ka e nwee ọrịa na-efe efe+ n’Izrel malite n’ụtụtụ ruo n’oge a kara aka, nke mere ka puku mmadụ iri asaa n’ime ndị Izrel nwụọ+ malite na Dan ruo Bia-shiba.+ 16  Mmụọ ozi+ wee tụgide Jeruselem aka iji bibie ya; Jehova wee malite inwe mwute+ maka ọdachi ahụ, o wee sị mmụọ ozi ahụ nke na-eweta mbibi n’etiti ndị Izrel: “O zuola! Wetuo aka gị.” Mmụọ ozi Jehova nọkwa nso n’ebe nzọcha mkpụrụ nke Arọna,+ onye Jibọs.+ 17  Mgbe Devid hụrụ mmụọ ozi ahụ nọ na-egbu ndị mmadụ, ọ sịrị Jehova, ee, ọ sịrị: “Lee, ọ bụ m mehiere, ọ bụkwa m mere ihe ọjọọ; ma atụrụ+ ndị a—gịnị ka ha mere? Biko, ka aka gị bịakwasị m,+ bịakwasịkwa ụlọ nna m.” 18  E mesịa, Gad bịakwutere Devid n’ụbọchị ahụ wee sị ya: “Bilie, wuoro Jehova ebe ịchụàjà n’ebe nzọcha mkpụrụ nke Arọna onye Jibọs.”+ 19  Devid wee gbagowe dị ka Gad gwara ya, dị ka ihe Jehova nyere n’iwu sị dị.+ 20  Mgbe Arọna ledara anya wee hụ eze na ndị na-ejere ya ozi ka ha na-abịakwute ya, Arọna gara ozugbo kpudo ihu n’ala+ wee kpọọrọ eze isiala.+ 21  Arọna wee jụọ, sị: “Gịnị mere onyenwe m eze ji bịakwute ohu ya?” Devid wee sị: “Ọ bụ ka m zụrụ+ ebe nzọcha mkpụrụ gị iji wuoro Jehova ebe ịchụàjà, ka ihe otiti+ ahụ a na-eti ndị Izrel kwụsị.” 22  Ma Arọna sịrị Devid: “Ka onyenwe m eze were ya+ ma chụọ ihe ọ bụla dị ya mma n’àjà. Lee ehi ị ga-eji chụọ àjà nsure ọkụ, werekwa ihe e ji etichapụta mkpụrụ nakwa osisi e ji ejikọta ehi mere nkụ.+ 23  Eze, Arọna na-enye eze ihe niile.” Arọna wee gaa n’ihu ịsị eze: “Ka ihe gị dị Jehova bụ́ Chineke gị mma.”+ 24  Otú ọ dị, eze sịrị Arọna: “Ee e, kama aghaghị m ịzụ gị ya azụ;+ agaghịkwa m achụrụ Jehova bụ́ Chineke m àjà nsure ọkụ n’emefughị ihe ọ bụla.”+ Devid wee zụọ+ ebe nzọcha mkpụrụ ahụ na ehi ahụ shekel ọlaọcha iri ise. 25  Devid wee wuoro Jehova ebe ịchụàjà+ n’ebe ahụ, chụọkwa àjà nsure ọkụ na àjà udo, Jehova wee nabata arịrịọ a rịọrọ+ maka ala ahụ, ihe otiti ahụ a na-eti Izrel wee kwụsị.

Ihe E Dere n'Ala Ala Peeji