Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Baịbụl nke Dị n'Ịntanet | BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Ọrụ Ndịozi 7:1-60

7  Ma nnukwu onye nchụàjà ahụ sịrị: “Ọ̀ bụ otú ahụ ka ihe ndị a dị?”  O wee sị: “Ụmụnna m na ndị bụ́ nna m, nụrụnụ. Chineke nke ebube+ pụtara ìhè n’ihu nna nna anyị bụ́ Ebreham mgbe ọ nọ na Mesopotemia, tupu ya agaa biri na Heran.+  O wee sị ya, ‘Si n’ala gị, n’etiti ndị ikwu gị, kwapụ gaa n’ala m ga-egosi gị.’+  O wee si n’ala ndị Kaldia kwapụ, gaa biri na Heran. Mgbe nna ya nwụsịrị,+ Chineke mere ka o si ebe ahụ o bi kwapụ, bịa biri n’ala a unu bi ugbu a.+  Otú ọ dị, o nyeghị ya ihe nketa ọ bụla n’ime ya, ee e, ọbụnadị otu amaụkwụ;+ kama o kwere nkwa iwere ya nye ya ka ọ bụrụ nke ya,+ na iwere ya nye mkpụrụ ya nke ga-anọchi ya,+ mgbe ọ na-enwebeghị nwa.+  Chineke kwukwara na mkpụrụ ya ga-abụ ndị mbịarambịa+ ná mba ọzọ,+ ndị ahụ ga-emekwa ka ha bụrụ ohu ma mekpaa ha ahụ́ ruo narị afọ anọ.+  ‘M ga-ekpekwa mba ahụ nke ha ga-agbara ohu ikpe,’+ ka Chineke kwuru, ‘ha ga-apụtakwa mgbe ihe ndị a gasịrị, ha ga-ejekwara m ozi dị nsọ n’ebe a.’+  “O nyekwara ya ọgbụgba ndụ nke ibi úgwù;+ o sikwa otú ahụ ghọọ nna Aịzik,+ biekwa ya úgwù n’ụbọchị nke asatọ,+ Aịzik aghọọkwa nna Jekọb, Jekọb aghọọkwa nna nke ndị isi ezinụlọ iri na abụọ ahụ.+  Ndị isi ezinụlọ ahụ kwosoro Josef ekworo+ ma resị ya ndị Ijipt.+ Ma Chineke nọnyeere ya.+ 10  Ọ napụtakwara ya ná mkpagbu ya niile, meekwa ka o nweta amara na amamihe n’ihu Fero bụ́ eze Ijipt. Fero mere ya onye na-achị Ijipt nakwa ụlọ ya dum.+ 11  Ma ụnwụ dara n’ala Ijipt na Kenan dum, ya bụ, oké mkpagbu; nna nna anyị hà enwetaghịkwa ihe oriri ọ bụla.+ 12  Ma Jekọb nụrụ na ihe oriri dị n’Ijipt,+ o wee zipụ nna nna anyị hà na nke mbụ.+ 13  Mgbe ha gara nke ugboro abụọ, e mere ka ụmụnne Josef mata onye ọ bụ;+ Fero wee mata ndị ezinụlọ Josef.+ 14  Ya mere, Josef ziri ozi wee kpọpụta Jekọb bụ́ nna ya na ndị ikwu ya niile n’ebe ahụ,+ bụ́ ndị dị mkpụrụ obi iri asaa na ise n’ọnụ ọgụgụ.+ 15  Jekọb gbadara Ijipt.+ Ọ nwụkwara;+ otú ahụkwa ka nna nna anyị hà nwụrụ,+ 16  e wee buga ha Shikem+ ma lie ha n’ili+ nke Ebreham ji ego ọlaọcha zụta n’aka ụmụ Hemọ n’ime Shikem+ n’ọnụ ahịa ha kwuru. 17  “Mgbe oge na-eru nso ka nkwa ahụ Chineke kwere Ebreham hoo haa wee mezuo, ndị Izrel dịrị ọtụtụ, mụbaakwa n’Ijipt,+ 18  ruo mgbe eze dị iche malitere ịchị Ijipt, bụ́ onye na-amaghị banyere Josef.+ 19  Onye a ghọrọ agbụrụ anyị aghụghọ+ ma jiri ụzọ na-ezighị ezi manye ndị bụ́ nna ka ha gbahapụ ụmụ ọhụrụ ha, ka e wee ghara idebe ha ndụ.+ 20  Ọ bụ n’oge ahụ ka a mụrụ Mozis,+ ọ makwara mma na-enweghị atụ.+ E lekọtakwara ya ruo ọnwa atọ n’ụlọ nna ya. 21  Ma mgbe a gbahapụrụ ya, ada Fero kutere ya ma zụlite ya dị ka nwa ya nwoke.+ 22  N’ihi ya, a kụziiri Mozis ihe n’amamihe+ niile nke ndị Ijipt. N’eziokwu, ọ dị ike n’okwu+ na n’omume. 23  “Ma mgbe ọ gbara afọ iri anọ, ọ batara ya n’obi ịga leta ụmụnne ya, bụ́ ụmụ Izrel.+ 24  Mgbe ọ hụkwara ka a na-emeso otu onye ihe n’ụzọ na-ezighị ezi, ọ gbachiteere ya ma bọọrọ onye nke a na-emegbu ọbọ site n’igbu onye Ijipt ahụ.+ 25  O chere na ụmụnne ya ga-aghọta na Chineke na-enye ha nzọpụta site n’aka ya,+ ma ha aghọtaghị. 26  N’echi ya, ọ bịakwutere ha mgbe ha nọ na-alụ ọgụ, o wee gbalịa ime ka ha dịrị n’udo,+ sị, ‘Unu bụ ụmụnne. Gịnị mere unu ji na-eme ibe unu ihe ọjọọ?’+ 27  Ma onye ahụ nke nọ na-eme onye agbata obi ya ihe ọjọọ jụrụ ya ajụ, wee sị, ‘Ònye mere gị onye na-achị anyị na onyeikpe anyị?+ 28  Ị̀ chọrọ igbu m otú ahụ i gburu onye Ijipt ahụ ụnyaahụ?’+ 29  Mozis wee gbaa ọsọ ma ghọọ onye mbịarambịa n’ala Midian,+ bụ́ ebe ọ nọ mụta ụmụ nwoke abụọ.+ 30  “Mgbe afọ iri anọ gasịrị, otu mmụọ ozi pụtara ìhè n’ihu ya n’ala ịkpa nke Ugwu Saịnaị, n’ọkụ na-enwu n’osisi ogwu.+ 31  Ma mgbe Mozis hụrụ ya, ihe ọ hụrụ tụrụ ya n’anya.+ Ma ka ọ na-abịaru nso ka ọ chọpụta ihe na-eme, olu Jehova kwuru, sị, 32  ‘Abụ m Chineke nke nna nna gị hà, Chineke nke Ebreham na nke Aịzik na nke Jekọb.’+ Ebe Mozis na-ama jijiji, ọ nwaghị ịchọpụtakwu ihe na-eme. 33  Jehova sịrị ya, ‘Yipụ akpụkpọ ụkwụ gị, n’ihi na ebe i guzo bụ ala dị nsọ.+ 34  Ahụwo m mmeso ọjọọ a na-emeso ndị m bụ́ ndị nọ n’Ijipt,+ anụwokwa m ịsụ ude ha,+ agbadatawokwa m ịnapụta ha.+ Ugbu a, bịa, m ga-eziga gị Ijipt.’+ 35  Mozis a, bụ́ onye ha gọnahụrụ, sị, ‘Ònye mere gị onye na-achị achị na onyeikpe?’+ nwoke a ka Chineke zipụrụ+ ka ọ bụrụ ma onye na-achị achị ma onye nnapụta site n’aka mmụọ ozi ahụ nke pụtara ìhè n’ihu ya n’osisi ogwu ahụ. 36  Ọ bụ nwoke a dupụtara ha+ mgbe o mesịrị ihe ebube na ihe ịrịba ama n’Ijipt+ na n’Oké Osimiri Uhie+ nakwa n’ala ịkpa ruo iri afọ anọ.+ 37  “Onye a bụ Mozis ahụ gwara ụmụ Izrel, sị, ‘Chineke ga-esi n’etiti ụmụnne unu họpụtara unu onye amụma nke dị ka mụ onwe m.’+ 38  Ọ bụ onye a+ nọrọ n’etiti ọgbakọ+ ahụ n’ala ịkpa, ya na mmụọ ozi+ ahụ nke gwara ya okwu n’Ugwu Saịnaị, gwakwa nna nna anyị hà, ọ natakwara okwu dị nsọ,+ nke na-enye ndụ, ka o nye unu. 39  Ọ bụ ya ka nna nna anyị hà jụrụ irubere isi, kama ha jụrụ ya.+ N’obi ha kwa, ha laghachiri n’Ijipt.+ 40  Ha wee sị Erọn, ‘Meere anyị chi ka ha gaa n’ihu anyị. N’ihi na Mozis a, bụ́ onye dupụtara anyị n’ala Ijipt, anyị amaghị ihe mere ya.’+ 41  Ya mere, ha mere nwa ehi n’ụbọchị ndị ahụ+ ma wetara arụsị ahụ àjà wee malite ime onwe ha obi ụtọ n’ihe ha ji aka ha rụọ.+ 42  Ya mere, Chineke tụgharịrị ma hapụ ha+ ka ha na-ejere ìgwè ihe dị n’eluigwe ozi dị nsọ, dị nnọọ ka e dere n’akwụkwọ ndị amụma,+ sị, ‘Unu ụlọ Izrel, ọ bụghị m ka unu chụụrụ anụ n’àjà, ọ bụghịkwa m ka unu chụụrụ àjà dị iche iche ruo afọ iri anọ n’ala ịkpa,+ ka ọ̀ bụ m? 43  Kama ọ bụ ụlọikwuu nke Molọk+ na kpakpando+ nke chi Rifan ka unu buliri elu, bụ́ ihe oyiyi ndị unu mere ife ha ofufe. N’ihi ya, m ga-eme ka a dọrọ unu n’agha+ gafee Babịlọn.’ 44  “Nna nna anyị hà nwere ụlọikwuu nke ihe àmà n’ala ịkpa, dị nnọọ ka o nyere n’iwu mgbe ọ na-agwa Mozis ka o wuo ya dị ka ụkpụrụ ahụ ọ hụrụ si dị.+ 45  Nna nna anyị hà, bụ́ ndị ọzọ nwetara ya, bubakwara ya, ha na Jọshụa,+ n’ala ahụ nke bụ́ nke ndị mba ọzọ,+ bụ́ ndị Chineke chụpụrụ n’ihu nna nna anyị hà.+ Ọ dịgidere n’ebe a ruo n’ụbọchị Devid. 46  O nwetara ihu ọma+ n’anya Chineke ma rịọ maka ihe ùgwù nke idokwara Chineke nke Jekọb ebe obibi.+ 47  Otú ọ dị, ọ bụ Sọlọmọn wuuru ya ụlọ.+ 48  Ka o sina dị, Onye Kasị Elu adịghị ebi n’ụlọ e ji aka wuo,+ dị nnọọ ka onye amụma ahụ sịrị, 49  ‘Eluigwe bụ ocheeze m,+ ụwa bụkwa ihe mgbakwasị ụkwụ m.+ Olee ụdị ụlọ unu ga-ewuru m? ka Jehova kwuru. Ma ọ bụ, olee ebe bụ maka izu ike m?+ 50  Ọ bụ aka m mere ihe a niile, ọ́ bụghị ya?’+ 51  “Ndị na-ekwesi olu ike na ndị a na-ebighị úgwù n’obi+ na ná ntị, unu na-eguzogide mmụọ nsọ mgbe niile; dị ka nna nna unu hà mere, otú ahụ ka unu na-eme.+ 52  Ònye n’ime ndị amụma ka nna nna unu hà na-akpagbughị?+ Ee, ha gburu+ ndị mara ọkwa tupu oge eruo banyere ọbịbịa nke Onye ezi omume ahụ,+ bụ́ onye unu ghọworo ugbu a ndị raara ya nye na ndị gburu ya.+ 53  Unu Ndị natara Iwu ahụ dị ka ndị mmụọ ozi+ si nye ya ma unu edebeghị ya.” 54  Ma, mgbe ha nụrụ ihe ndị a, o wee dụọ ha adụ n’obi ha,+ ha wee malite ịta ikikere ezé+ megide ya. 55  Ma ebe o jupụtara na mmụọ nsọ, o legidere anya n’ime eluigwe ma hụ ebube Chineke, hụkwa Jizọs ka o guzo n’aka nri Chineke.+ 56  O wee, sị: “Lee! Ana m ahụ eluigwe ka e meghere+ ya nakwa Nwa nke mmadụ+ ka o guzo n’aka nri Chineke.”+ 57  Ha wee were oké olu tie mkpu, kpuchie aka ná ntị ha,+ jirikwa otu obi bịakwasị ya n’ike. 58  Mgbe ha tụpụsịkwara ya n’azụ obodo,+ ha malitere ịtụ ya nkume.+ Ndị akaebe+ ahụ wụsakwara uwe elu ha n’ụkwụ nwa okorobịa a na-akpọ Sọl.+ 59  Ha wee malite ịtụ Stivin nkume ka ọ na-arịọ arịrịọ wee sị: “Onyenwe anyị Jizọs, nara mmụọ m.”+ 60  O wee gbuo ikpere n’ala, jiri oké olu tie mkpu, sị: “Jehova, agụla mmehie a megide ha.”+ Mgbe o kwusịkwara nke a, ọ dara n’ụra ọnwụ.

Ihe E Dere n'Ala Ala Peeji