Gbanwee otú ọ ga-esi egosi

Họrọ asụsụ

Gaa na menu nke abụọ

Gaa n'ebe e dere isiokwu ndị dị na ya

Gaa n'Isiokwu

Ndịàmà Jehova

Igbo

Baịbụl nke Dị n'Ịntanet

BAỊBỤL NSỌ—NSỤGHARỊ ỤWA ỌHỤRỤ NKE AKWỤKWỌ NSỌ

Ọnụ Ọgụgụ 22:1-41

22  Ụmụ Izrel wee kwalie maa ụlọikwuu na mbara ọzara Moab,+ n’akụkụ Jọdan nke ya na Jeriko cherịtara ihu.  Belak+ nwa Zipọ wee hụ ihe niile Izrel mere ndị Amọraịt.  Moab wee tụọ ha egwu nke ukwuu, n’ihi na ha dị ọtụtụ; Moab wee malite ịtụ ụmụ Izrel oké ụjọ.+  Moab wee gwa ndị okenye Midian,+ sị: “Ìgwè mmadụ a ga-erichapụ ihe niile dị anyị gburugburu dị ka ehi si atachapụ ahịhịa ndụ n’ọhịa.” Ọ bụ Belak+ nwa Zipọ bụ eze Moab n’oge ahụ.  O wee zigara Belam+ nwa Bio ndị ozi na Pitọ,+ nke dị n’akụkụ Osimiri+ nke dị n’ala ụmụ ndị ya, ka ha kpọọ ya, sị: “Lee! E nwere ndị si n’Ijipt pụta. Lee! Ha ekpuchiwo elu ala ruo ebe anya mmadụ pụrụ iru,+ ha nọkwa nso n’ihu m.  Biko, bịa; bụọrọ m ndị a ọnụ,+ n’ihi na ha ka m ike. Ikekwe, m ga-enwe ike imeri ha, ka m wee chụpụ ha n’ala a; n’ihi na amaara m nke ọma na onye ị gọziri bụ onye a gọziri agọzi, onye ị bụrụ ọnụ bụkwa onye a bụrụ ọnụ.”+  Ndị okenye Moab na ndị okenye Midian wee were ego ha ga-akwụ maka ịgba afa+ gawa, ha wee gakwuru Belam,+ gwa ya ihe Belak kwuru.  O wee sị ha: “Rahụnụ n’ebe a n’abalị a, ihe ọ bụla Jehova gwara m ka m ga-aza unu.”+ Ndị isi Moab wee soro Belam nọrọ.  Chineke wee bịakwute Belam wee sị:+ “Ole ndị bụ ndị a gị na ha nọ?” 10  Belam wee gwa ezi Chineke, sị: “Belak+ nwa Zipọ, eze Moab, ziteere m ozi, sị, 11  ‘Lee! E nwere ndị si n’Ijipt pụta, ha ekpuchiwo elu ala ruo ebe anya mmadụ pụrụ iru.+ Bịa bụọrọ m ha ọnụ.+ Ikekwe, m ga-enwe ike ibuso ha agha wee chụpụ ha.’” 12  Ma Chineke sịrị Belam: “Esola ha gaa. Abụla ndị Izrel ọnụ,+ n’ihi na ha bụ ndị a gọziri agọzi.”+ 13  E mesịa, Belam biliri n’ụtụtụ wee gwa ndị Belak mere ndị isi, sị: “Laanụ n’obodo unu, n’ihi na Jehova ekweghị ka m soro unu gaa.” 14  Ndị isi Moab wee bilie bịakwute Belak, sị: “Belam jụrụ iso anyị bịa.”+ 15  Otú ọ dị, Belak zipụrụ ndị isi ọzọ bụ́ ndị dị ọtụtụ karị, ndị a na-akwanyere ùgwù karịa ndị nke mbụ. 16  Ha wee bịakwute Belam wee sị ya: “Nke a bụ ihe Belak nwa Zipọ kwuru, ‘Biko, ka ihe ọ bụla ghara igbochi gị ịbịakwute m. 17  N’ihi na aghaghị m ịkwanyere gị ùgwù nke ukwuu,+ m ga-eme ihe ọ bụla ị gwara m mee.+ Biko, bịa. Bụọrọ m ndị a ọnụ.’” 18  Ma Belam zara ndị na-ejere Belak ozi, sị: “Ọ bụrụ na Belak enye m ụlọ ya nke ọlaọcha na ọlaedo juru, agaghị m enwe ike ịda iwu Jehova bụ́ Chineke m wee mee ihe nta ma ọ bụ ihe ukwu.+ 19  Biko, nọrọnụ ebe a n’abalị a, ka m mara ihe ọzọ Jehova ga-agwa m.”+ 20  Chineke wee bịakwute Belam n’abalị wee sị ya: “Ọ bụrụ na ihe ndị ikom ahụ bịara bụ ịkpọ gị, bilie soro ha gawa. Ma, ọ bụ naanị ihe m gwara gị ka ị ga-ekwu.”+ 21  E mesịa, Belam biliri n’ụtụtụ wee dokwasị ihe o ji anọkwasị n’elu nne ịnyịnya ibu ya wee soro ndị isi Moab gawa.+ 22  Iwe Chineke wee dị ọkụ maka na ọ gawara; mmụọ ozi Jehova wee guzo n’ụzọ iguzogide ya.+ Ọ nọ n’elu nne ịnyịnya ibu ya na-aga, mmadụ abụọ na-ejere ya ozi sokwa ya. 23  Ịnyịnya ibu ahụ wee hụ mmụọ ozi Jehova ka o ji mma agha a mịpụtara amịpụta guzoro n’ụzọ;+ ịnyịnya ibu ahụ wee nwaa ịhapụ ụzọ banye n’ọhịa, ma Belam malitere iti ịnyịnya ibu ahụ ihe ka ọ laghachi n’ụzọ. 24  Mmụọ ozi Jehova wee guzoro ebe ahụ o guzo n’ụzọ dị warara nke dị n’agbata ubi vaịn abụọ, mgbidi e ji nkume wuo dị n’otu akụkụ, mgbidi e ji nkume wuo adịrịkwa n’akụkụ nke ọzọ. 25  Nne ịnyịnya ibu ahụ nọ na-ahụ mmụọ ozi Jehova, o wee dagide n’ahụ́ mgbidi ahụ, chigide ụkwụ Belam ná mgbidi ahụ; o wee tikwuo ya ihe. 26  Mmụọ ozi Jehova wee gafere ọzọ ma guzoro n’ebe dị warara, n’ebe a na-enweghị otú a ga-esi tụgharịa gaa n’aka nri ma ọ bụ n’aka ekpe. 27  Mgbe ịnyịnya ibu ahụ hụrụ mmụọ ozi Jehova, o bu Belam makpuru ala; Belam wee wee iwe dị ọkụ,+ o wee na-eti ịnyịnya ibu ahụ mkpara ya. 28  N’ikpeazụ, Jehova meghere ọnụ ịnyịnya ibu ahụ,+ o wee sị Belam: “Gịnị ka m mere gị, nke mere i ji tie m ihe ugboro atọ a?”+ 29  Belam wee gwa ịnyịnya ibu ahụ, sị: “Ọ bụ n’ihi na i mesoro m omume obi ọjọọ. A sị nnọọ na m ji mma agha, m gaara egbu gị!”+ 30  Nne ịnyịnya ibu ahụ wee sị Belam: “Ọ́ bụghị mụ bụ nne ịnyịnya ibu gị nke ị na-anọkwasị kemgbe ndụ gị niile ruo taa? M̀ metụla gị otú a mbụ?”+ O wee zaa, si: “Ee e!” 31  Jehova wee meghee anya Belam,+ o wee hụ mmụọ ozi Jehova ka o ji mma agha a mịpụtara amịpụta guzoro n’ụzọ. Ozugbo ahụ, o hulatara kpọọ isiala. 32  Mmụọ ozi Jehova wee sị ya: “Gịnị mere i ji tie nne ịnyịnya ibu gị ihe ugboro atọ a? Lee! Mụ onwe m pụtara iguzogide gị n’ihi na ụzọ gị na-emegide uche m.+ 33  Nne ịnyịnya ibu a wee hụ m ma gbalịa isi n’ihu m pụọ ugboro atọ a.+ Cheedị ihe gaara eme ma a sị na o sighị n’ihu m pụọ! N’ihi na ọ gaara abụ na mụ egbuwo gị onwe gị,+ ma m gaara ahapụ ya ndụ.” 34  Belam wee gwa mmụọ ozi Jehova, sị: “Emehiewo m,+ n’ihi na amaghị m na ọ bụ gị guzo n’ụzọ izute m. Ugbu a, ọ bụrụ na ọ dị njọ n’anya gị, ka m laghachi.” 35  Ma mmụọ ozi Jehova sịrị Belam: “Soro ndị ikom ahụ gawa;+ ma ekwula ihe ọ bụla ọzọ ma e wezụga ihe m ga-agwa gị.”+ Belam wee soro ndị Belak mere ndị isi gawa. 36  Mgbe Belak nụrụ na Belam abịawo, ọ gara ozugbo izute ya n’obodo Moab, nke dị n’akụkụ mmiri Anọn, bụ́ nke dị na nsọtụ ókèala ahụ.+ 37  Belak wee sị Belam: “Ọ̀ bụ na mụ ezighị ozi ka a kpọọ gị? Gịnị mere ị bịaghị hụ m? Ọ̀ bụ na mụ enweghị ike n’ezie ịkwanyere gị ùgwù?”+ 38  Belam wee sị Belak: “Abịala m ịhụ gị ugbu a. M̀ nwere ike ikwu ihe ọ bụla?+ Okwu Chineke tinyere n’ọnụ m ka m ga-ekwu.”+ 39  Belam wee soro Belak gawa, ha wee rute na Kiriat-huzọt. 40  Belak wee chụọ ehi na atụrụ n’àjà+ ma zigara Belam na ndị isi, bụ́ ndị ya na ha nọ, ụfọdụ n’ime ha. 41  O wee ruo n’ụtụtụ na Belak kpọọrọ Belam wee kpọgote ya na Bemọt-bel,+ ka o wee si n’ebe ahụ hụ ndị Izrel dum.+

Ihe E Dere n'Ala Ala Peeji