Gaa n'Isiokwu

Gaa na menu nke abụọ

Gaa n'ebe e dere isiokwu ndị dị na ya

Ndịàmà Jehova

Igbo

Usoro Ihe Omume Mgbakọ Ukwu nke Afọ 2017

Ihe Ndị Bịara Mgbakọ Kwesịrị Ịma

Ihe Ndị Bịara Mgbakọ Kwesịrị Ịma

NZUKỌ NDỊ PỤRỤ ICHE

OZI BETEL Ndị nkwusa e mere baptizim bí na Naịjirịa, ndị na-agafebeghị afọ iri atọ na ise, ma nwee mmasị ije ozi na Betel, kwesịrị ịga nzukọ a ga-enwe n’ụtụtụ Fraịdee maka ndị chọrọ itinye akwụkwọ maka ozi Betel. A ga-ama ọkwa ebe a ga-enwe nzukọ a na oge ọ ga-abụ.

ỤLỌ AKWỤKWỌ MAKA NDỊ NA-EKWUSA OZI ỌMA ALAEZE N’ụtụtụ Sọnde, a ga-enwe nzukọ maka ndị chọrọ ịga Ụlọ Akwụkwọ Maka Ndị Na-Ekwusa Ozi Ọma Alaeze. Ndị ọsụ ụzọ chọrọ ijikwu oge buru ibu na-ejere Jehova ozi nwere ike ịbịa nzukọ a. Ha ga-abụ ndị nọ n’agbata afọ iri abụọ na atọ na afọ iri isii na ise. A ga-ama ọkwa ebe a ga-enwe nzukọ a na oge ọ ga-abụ.

 IHE NDỊ BỊARA MGBAKỌ KWESỊRỊ ỊMA

BAPTIZIM Ndị a ga-eme baptizim kwesịrị ịnọrọ ọdụ n’ebe e debeere ha oche tupu a malite ikwu okwu baptizim n’ụtụtụ Satọdee. Ha ga-anọ ọdụ n’oche ndị dị n’ihu ihu n’ụlọ mgbakọ, n’ebe chere ikpo okwu ihu. Onye ọ bụla n’ime ha kwesịrị iweta ákwà ọ ga-eji hichaa ahụ́ na uwe kwesịrị ekwesị ọ ga-eyi mgbe a na-eme ya baptizim.

EBE A NA-ANARA ỌGWỤ Biko, buru n’uche na ebe a bụ NAANỊ maka NDỊ E KWESỊRỊ ILEBARA ANYA NGWA NGWA.

EBE A NA-EDEBE IHE FURU EFU Ọ bụrụ na ị hụ ihe ọ bụla furu efu, wega ya n’Ebe A Na-edebe Ihe Furu Efu. Ọ bụrụ na ọ dị ihe ọ bụla funahụrụ gị, gaa na ngalaba a ka ị mara ma ọ̀ dị ebe ahụ. Ị hụ nwatakịrị furu efu, biko, kpọga ya ná ngalaba a. Ma, ọ pụtaghị na ọrụ ngalaba a bụ ilekọta ụmụaka. Biko, lekọta ụmụ gị, hụkwa na gị na ha nọ.

INWETA OCHE Biko, na-echebara ndị ọzọ echiche. Cheta na ọ bụ naanị ndị gị na ha bi n’otu ụlọ, ma ọ bụ ndị gị na ha ji otu ụgbọala bịa, ma ọ bụkwanụ ndị ị na-amụrụ Baịbụl ka i nwere ike inwetara oche. Biko, edosala ihe n’elu oche ma ọ bụrụ na o nweghị onye ị na-enwetara oche ahụ.

NDỊ ATENDANTỊ Ọrụ ndị atendantị bụ inyere gị aka. Biko, na-erubere ha isi ma ha gwa gị ebe ị ga-adọwa ụgbọala, ebe ị ga-esi banye n’ala mgbakọ, ebe ị ga-esi pụọ, ebe ị ga-anọ ọdụ, na ihe ndị ọzọ

ONYINYE E mefuru nnukwu ego iji hụ na e nwere oche ga-ezu ndị bịara mgbakọ a, na ígwè okwu, na tiivi na vidio kamera, nakwa ọtụtụ ihe ndị ọzọ ga-eme ka mgbakọ a tọọ gị ụtọ, ma mee ka i nwee ike ịbịarukwu Jehova nso. Ọ bụrụ na i nye onyinye si gị n’obi, a ga-eji ya kwụọ ụgwọ ihe e mefuru, jirikwa ya na-akwado ọrụ anyị na-arụ n’ụwa niile. E dewere igbe onyinye n’ebe niile n’ala mgbakọ a ka i nwee ike itinye onyinye gị na nke ọ bụla dị gị nso. Obi dị anyị ezigbo ụtọ maka ihe ọ bụla i tinyere. Òtù Na-achị Isi na-ekelekwa gị maka otú i si jiri onyinye gị na-akwado ihe ndị gbasara Alaeze Chineke.

OZI AFỌ OFUFO Ọ bụrụ na ị chọrọ iwepụta onwe gị iso na-arụ ọrụ ndị a ga-arụ ná mgbakọ a, biko, jee na ngalaba a ka a gwa gị ebe ị ga-enye aka.

Ọ bụ Òtù Na-achị Isi nke Ndịàmà Jehova haziri ya